Lettres de quittance de l'abbé de Hérivals sur terres qui sont au terrouer de Céens.
Thibaut, curé du monastère de Morienval, donne quittance à l'abbé d'Hérivaux de 60 liv. au sujet de la donation faite par Richard, prêtre.
- B Bibl. nat. de France, lat. 9987, fol. 84, n°72.
- a Cartulaire de l'abbaye de Morienval, éd. Achille Peigné-Delacourt, Senlis, 1876.
Ut priorum facta posteris nota permaneant et ea nullatenus varietatis amica consumat oblivio, indiciis litterarum a prudentibus solent eternarique nullam sustinet varietatem sed emergentibus calumpniis fronte occurit erecta et rei seriem incommutata loquitur varietate. Proinde ego Theobaldus monasterii beate Marie Herivallis humilis minister, universis tam presentibus quam futuris per presens scriptum notum facio quod pro assensu et bona voluntate totius capituli nostri, ecclesie et sanctimonialibus Mornievallis que nostra fuerunt in territorio suo de dono et elemosina domini Richardi quondam loci sacerdotis ejusdem, supra quibus inter nos et prefatam ecclesiam querela antea vertebatur, sicut a bone memorie et sancte recordationis viris Petro videlicet decano sancti Thome de Crespeyaeo et Herberto canonico beati Reguli Silvanettensis et aliorum prudentium virorum pro bono pacis communicato consilio, salubriter ordinatum est : sexaginta librarum parisiensis monete soluto precio imperpetuum quittavimus et quittamus. Quod ut sanum sit et stans perseveret, sigillorum nostrorum virtute fecimus insigniri. Actum anno incarnati verbi millesimo ducentesimo.
