C'est la lettre de dame Edeline et dame Eûle moniaulx de Montmartre de X livres de rente. Donation de 40 sols de rente par Jeanne de Saint-Cloud.

Universis has presentes inspecturis, Officialis curie Parisiensis salutem in Domino. Noveritis nos anno Domini millesimo CCC^mo decimo nono die Martis post festum Ascensionis ejusdem in testamento defuncte Johanne quondam relicte defuncti Garneri de Sancto Clodoaldo, quod sic incipit : « Universis presentes litteras inspecturis, Officialis curie Parisiensis salutem in Domino, Notum facimus quod in nostra presencia propter hoc personaliter constituta Johanna de Sancto Clodoaldo relicta defuncti Garneri de Sancto Clodoaldo, sana mente et corpore existens, et prout prima facie apparebat, attendens et considerans quod nichil etc... " — Et sic terminatur : » Datum anno Domini millesimo CCC^mo decimo septimo die Sabbati post festum beati Petri ad vincula ; « vidisse et diligenter inspexisse clausulam que sequitur : « Item dicta testatrix legavit duabus filiabus suis monialibus monasterii Montis-martirum decem libras parisiensium annui redditus, scilicet, cuilibet earum centum solidos parisiensium recipiendos a Jaquelina dicta Latoutsaque super decem et octo libras parisienses. Quas debet dicte testatrici.... seu.... 1Parisius, ut dicta testatrix asseruit, coram nobis, et de illis decem libris dicta testatrix legavit monasterio predicto quadraginta solidos parisiensium non amortizatos post decessum dictarum duarum filiarum suarum, ita quod dicte due filie sue vel superstes earum dictas decem libras parisiensium recipiat et habeat, ipsis vero ambabus de medio sublatis, dicte octo libri deveniant pacifice et quiete ad fratrem Galterum monachum commorantem nunc apud Gornaium super Maternam, et Margaretam monialem monasterii de Edera, tenende et habende ab eisdem monacho et moniali quamdiu vixerint duntaxat. Voluit nichilominus dicta testatrix quod illi quadraginta solidi supradicti post mortem dictorum monachi et monialis, implicentur in vestimentis monialium monasterii Montis-martirum predicti. « — Transcriptum autem principii et finis testamenti ac clausule predicte fieri fecimus sub sigillo curie Parisiensis, cujuslibet in omnibus jure salvo. Datum anno et die Martis predictis.