« Quod jura archidiaconatuum non minuantur. — Quod ecclesie et earum presentatio ad archidiaconos spectantes, sine assensu Capituli, non possint alienari. »
- B Bibl. nat. de France, carton 28: Livre des Privilèges de l'église de Chartres, p. 16; et carton 28 bis, fol. 7 r°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Celestinus episcopus, servus servorum Dei, dilectis filiis Decano et Capitulo Carnotensi, salutem et apostolicam benedictionem. Cum a nobis petitur quod justum est et honestum, tam vigor equitatis quam ordo exigit rationis ut id, per sollicitudinem officii nostri, ad debitum perducatur effectum. Eapropter, dilecti in Domino filii, vestris justis postulationibus apostolicum impendentes assensum, presenti pagina districtius inhibemus ne quis jura archidiaconatuum ecclesie vestre minuere vel perturbare presumat, aut decanatus sive ecclesias ad ipsorum archidiaconorum institutionem vel presentationem spectantes, archidiaconis qui pro tempore fuerint suum non impercientibus assensum, concedere, vel donare, vel alias alienare, vel ecclesias ipsas, vel earum presentationem, cujuscumque persone gracia vel ecclesie, sine assensu Capituli Carnotensis, attemptet. Statuentes ut si, contra hanc nostram inhibitionem, factum fuerit illud, viribus careat et penitus non servetur. Nulli ergo omnino hominum, etc. ........ Datum Laterani, . »
