Amortissement accordé par Guillaume Tirel, chevalier, sire de Pois, à Raoul de Pierrelée.

Je monsegneur Guillaume Tirel chevalier et sires de Pois, et je madame Margerite feme dudit Guillaume fesons a savoir a tous ceus qui ces presentes lettres verront et orront que nos de nostre bone volonté &de nostre commun assentement avons quité du tout, a tourjous, en main morte et otraié bonement a Raoul de Pierrelée et a ses hoirs et a ceus qui auront leur cause les deus parz de toute la grosse dime de Geroucourt par cinquante Ib. de parisis Desques deniers nos tenons bien et loiaument et du tout a paiez... en tele maniere que ledit Raoul et ses hoirs... puent donner et aumoner en main morte les deuz parz de toute la dime devandite sanz debat et sanz calange que nos i puissions mestre des ore en avant ne nos hoirs auxi. Et prometons a tenir et a garder bien et loiaument ces convenances devandites par nos leaus creans a tourjous sanz venir encontre par nos ne par autres des ore en avant... Ce fut fet en lan de lIncarnacion nostre Seigneur mil cc. lx. et seze ans, u mois davril la velle de feste saint Marc.