Vente à l'Hôtel-Dieu de la moitié de la Grande Maison du Bourg de Beaumont, par Guiart de Chauvry et Guiart d'Hérouville

A tous... Thomas Huelin souz baillis de Pontoise (sic) en ce tans garde de la chastellerie de Pontoise de par madame la Roine de France saluz en Nostre Segneur Jhu Crist. Nous feson a savoir a touz que par devant nous establiz en droit Guiart de Chauvri escuier et damoisele Jehane sa femme de Herouville, Guiart de Herouville escuier et damosele Marie sa feme jadis filles mesire Henri de Herouville chevalier, recognurent eus de leur bone volenté et de leur assentement avoir vendu... au mestre, à la prieuse, aus freres et aus sereurs de la Meson Dieu de Pontoise pour cinquante cinq livres de parisis, leur quités, dont ils se tinrent bien et loiaument pour poiez en pecune nombree, receue deus et de leur commandement par devant nous, la moitié dune meson qui est apelee la Grant Meson du Bourc de Beaumont laquele moitié fu jadis mesire Henri de Herouville chevalier, pere des devant dites damoiseles, et leur estoit venue du descendement du devant dit Henri leur pere ; mouvant jadis du fie Jehan du Val Raoul escuier et damoisele Ysabel sa femme, lequel fié les devant diz Jehans et Ysabel vendirent aus religieus de la Meson Dieu de Pontoise... Ce fu fet lan de grace mil CC. LXXVIII anz, u mois d'octouvre le jour de samedi feste .