École des chartes » ELEC » Cartulaires d'Île-de-France » Sainte-Croix d'Orléans » Cartulaire » Clamecy, 1186

Don par le comte et la comtesse de Nevers de leurs droits sur 23 hôtes ou hommes de Sainte-Croix en la paroisse de Marzy.

  • B Copie. Bib. nat. de France, Moreau 89, fol. 44. Extrait du cartulaire de Sainte-Croix d'Orléans, fol. 241rº.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

Noverint universi presentes pariter et futuri quod ego Petrus, comes Nivernensis, et ego Agnes comitissa, uxor ejusdem comitis, donavimus ecclesie Sancte Crucis Aurel[ianensis] pro remedio animarum nostrarum et ad preces domini Henrici, venerabilis ejusdem ecclesie episcopi, omnes consuetudines quas habebamus in parrochia de Marzeio supra viginti et tres tam hospites quam homines quos ecclesia habet ibidem, salvo gisto nostro et justitia retentis. Hujus rei sunt testes Hugo, Senonensis archidiaconus major, Mathildis comitissa Tornodori, Odo de Exolduno, Johannes vicecomes Comniaci, Josselinus de Sancta Maura, Gualterius Besardi, Petrus le Cortin. Quod ut ratum et inconcussum habeatur presentem cartam ecclesie Sancte Crucis sigillorum nostrorum authoritate munitum donavimus. Actum Clamiciaci .