Omnibus presentes litteras inspecturis, M. decanus Stanpensis, in Domino salutem. Noverint universi quod Milissandis, quondam filia Fulconis de Aleinvilla, militis, in nostra presentia constituta, quicquid juris babebat seu habere poterat quocunque jure, in tribus solidis censualibus qui de territorio de Villermartini debebantur, decano et capitulo Aurelianensibus contulit et quitavit in perpetuum pacifice possidendum, fide corporali prestita promittens quod in dictis tribus solidis per se vel per alios nichil decetero reclamaret, immo contra coheredes suos predictis decano et capitulo Aurelianensibus garentiet. Promisit etiam dicta Milissandis quod infra mensem postquam fuerit maritata et fuerit requisita a dicto capitulo, a marito suo hoc idem concedi, laudari faciet et quitari. De hiis autem que superius sunt expressa tenendis et firmiter observandis erga dictos decanum et capitulum Aurelianenses, per fidem suam in manu nostra prestitam Hugo de Mouralle, miles, Johannes de Aleinvilla, frater dicte Milissandis, sub pena viginti librarum parisiensium plegii extiterunt. In cujus rei memoriam et textimonium presentes litteras ad petitionem dictorum Hugonis, Johannis et Milissandis fieri fecimus et sigillo nostro sigillari. Datum anno Domini MCCXXX sexto, mense decembri.