« Simo de Villa nova dedit XII denarios super terra de Brosels. »
- B Double queue de parchemin. Arch. dép. Eure-et-Loir, H 2322 (ancienne cote : n° 47 de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Universis presentis pagine noticiam habituris, ego Simon de Villa Nova, miles, notum facio quod de assensu et voluntate Ysabellis uxoris mee, et Johannis filii mei primogeniti, ac aliorum liberorum meorum, dedi et concessi pro salute animarum patris et matris mee et aliorum antecessorum meorum, in perpetuam clemosinam prioratui beati Thome de Sparnone. duodecim denarios censuales quos percipiebam absque aliqua exactionis consuetudine in terra quam Philippus, prior ejusdem loci, a Simone dicto Furnerio comparavit, que vocatur terra de Broscis de Villa Nova, que fuit Simonis defuncti de Stagno. Hujus modi autem emptionem et vendicionem aprobo et confirmo, assensu et voluntate Ysabellis uxoris mee, et Johannis filii mei primogeniti, et aliorum liberorum meorum. Eandem autem terram, idem Simon comparaverat a Galeranno de Stagno, et Garino Foriart quibus descenderat jure hereditario. Quod ut ratum et stabile perseveret in futurum presentes litteras duxi sigilli mei munimine confirmandas. Datum anno ab incarnatione domini. MºCCºXXº primo. Mense aprilis1. »
