« ....... Jehan Gossel, prévost d'Espernon, salut. Saichent tuit que en la présence Symon Paris, clerc tabellion de la chastellerie dud. lieu..... Guillaume de Mévoisin et Jehanne La Blanche, tante dud. Guillaume, demourans à Grougneul et Jehanne jadis fame feu Gilot Le Blanc ; cest assavoir le dit Guillaume et sa dicte tante chascun pour le tout, et la dicte Jehanne femme jadis de feu Gilot pour cause et raison de son doaire, recongnurent et confessèrent avoir vendu.... à religieus homme et honeste, honorable et discret maistre Jehan de Maintenon, humble prieur du prieuré de Saint Thomas d'Espernon, de lordre de Maire Moustier en Tourraine, pour raison de son dit prieuré, toute cele disme comme euls avoient, si comme euls disoient, à Espernon, appelée la disme de Grougneul, autrement de Saint Prest, meuvant du propre héritage du dit Guillaume ; de laquelle dicte disme la dicte Blanche tient si comme euls disoient, partie en foy du dit Guillaume, neveu dicelle ; laquelle dicte foy elle quicte bonnement à son dit neveu en la présence du dit clerc juré, vendue assemblement le pris et somme de deux livres tournois sur le tout de laquele dicte somme d'argent dessus dicte, euls se tindrent à bien paiés du dit religieus acheteur, et len quictèrent et clamèrent quicte bonnement du tout en tout. Et de la disme dessus dicte vendue euls se dessésirent par le bail de ces présentes lectres..... etc. , etc...... Donné l'an de grâce mil trois cenz trente et quatre le lundi emprès la feste de la Nativité de Nostre Seigneur. »