In nomine sanctæ et individuæ Trinitatis, amen. Ego Ludovicus, Dei gratia, Francorum rex : quoniam sæcularium administratio nos præpedit aspiritualibus, illis, quorum est professio in Dei servicio, nos communicare [debemus] terrena nostra, ut in spiritalibus eorum participes nos recipiat Dominus. Qua consideratione notum facimus universis, tam futuris quam præsentibus, quod novæ et sanctæ domui de Sarnaio, fratribusque inibi Deo servientibus, in Acquilina terram quamdam ad excolendum, pro sustentatione fratrum, in elemosinam donavimus, sicut disterminatur, incipiens a fossa Sancti Dionisii usque ad marchesium de Muterna, et sicut distenditur a Folioso versus Hayam de Nialpha. Quod donum facientes, pro redemptione animarum antecessorum nostrorum regum Franciæ et pro salute animæ nostræ, scripturæ contradi et sigilli nostri authoritate confirmari præcipimus, addito caractere nostri nominis. Actum publice Parisiis, anno ab incarnatione Domini millesimo centesimo sexagesimo, regni nostri vigesimo quarto ; astantibus in palacio nostro, quorum ascripta sunt nomina et signa. Signum comitis Theobaldi dapiferi nostri. Signum Guidonis buticularii. Signum Mathei camerarii. Constabulario nullo. Data per manum Hugonis, cancellarii et episcopi Suessionensis.