" Carta Guidonis et Agnetis, de terra de Fossa juxta Tilleium. "
- A Original en parchemin scellé2. — Inv., p. 78, l. 7, nº 22.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus Christi fidelibus presentes litteras inspecturis, Petrus, decanus de Portu-Mauri, salutem in Domino : Ad noticiam singulorum proveniat quod Agnes de Tylli, relicta Guidonis de Tilli, quitavit et omnino reliquit abbati et conventui de Vallibus Sarnaii terram illam quam ipsa Agnes et dictus Guido, quondam maritus suus, predictis abbati et conventui vendiderunt, que terra vocatur terra de Fossa, sita apud Tylleium ; quam terram Heloys de Fors de predictis abbate et conventu tenuit1 ; tenendam dictis abbati et conventui, et in perpetuum possidendam, pro viginti solidis parisiensibus. Dicta vero Agnes, in viduitate sua, coram nobis, super sacrosancta, juravit et affidavit quod in predicta terra, ratione maritagii nec aliqua alia causa, per se nec per alium nichil deinceps reclamabit. In cujus rei testimonium, ego dictus Petrus presenti scripto, cum sigillo dicte Agnetis, sigilli mei munimen apposui. Testibus hiis : Ricardo, presbitero sancti Nicholai de Vernonel ; Hugone, quondam presbitero de Portu Villari ; Osmondo de Tilli, et pluribus aliis. Actum .
