Ego Mauricius, Dei gratia, Parisiensis ecclesie humilis minister : Notum fieri volumus omnibus, tam futuris quam presentibus, quia cum Petrus de Parvo Ponte, miles, donasset in elemosinam ecclesie Beate Genovefe, pro anima sua et parentum suorum, duos modios vini singulis annis percipiendos in vineis suis de Ablun, post mortem ipsius, qui ex ejus dono vineas ipsas possidebant, scilicet Philippus, miles, nepos ejusdem Petri, et Ascelina, uxor Hugonis de Bello Monte, soror predicti Philippi, et ecclesia Sancti Victoris et monachi de Sar[naio, qui]1 bus partem illarum vinearum supradictus Petrus in elemosinam donaverat, ita coram nobis statuerunt et promiserunt sese soluturos ecclesie Beate Genovefe singulis annis duos predictos modios vini ex eisdem vineis, secundum portiones quas singuli possidebant ; quod Philippus, pro se et pro ecclesia Sancti Victoris, solvet annuatim XXIIII sextarios, scilicet pro se decem et VII, et pro Sancto Victore septem ; prenominata vero soror ejus Ascelina solvet pro portione sua V ; monachi autem de Sarnaio pro parte sua VII. Quicumque autem vineas illas in posterum possidebunt duos predictos modios vini, secundum portiones suas, [ecclesie B]eate Genovefe solvere tenebuntur. Quod, ne valeat oblivione2...... vel maliciose perverti, sigillo nostro fecimus id confirmari. Actum anno ab incarnatione Domini millesimo centesimo nonagesimo primo, pontificatus vero nostri anno tricesimo.