Carta Galterii, Carnotensis episcopi, de decima Bartholomæi de Broovilla, apud Glahervillam.
- A Original en parchemin. — Inv., p. 85, l. 10, nº13.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, G[alterius], divina permissione, Carnotensis ecclesie minister humilis, salutem in Domino : Noveritis quod, constituti in presentia nostra, Bartholomeus de Broovilla et Sibilla, uxor ejus, impignoraverunt monachis Vallium Sarnaii, fide prestita corporali, pro triginta libris parisiensibus, totam decimam suam de Glahervilla in blado et in vino, quotienscumque voluerint, redimendam. Quam impignorationem Godefridus de Fraasvilla, armiger, de cujus feodo movet dicta decima, voluit et concessit, et eandem dictis monachis se garantizaturum, fide prestita corporali, promisit. Quod ut ratum et firmum sit, presentes litteras sigillo nostro, ad petitionem utriusque partis, fecimus roborari. Actum .
