" C. Nicholai de Gravele, uxoris ejus, et Nicholai domicelli de Urfino, super concessione decime apud Mansum-Roberti site. "
- A Original en parchemin. — Inv., p. 90, 1. 1, nº 14.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
G[alterius], divina permissione, Carnotensis ecclesie minister humilis, universis presentes litteras inspecturis, salutem in Domino : Noverit universitas vestra quod, in nostra presentia constituti, Nicholaus de Gravele, miles, et Elizabeth uxor ejus et Ernulphus, major de Plesseiz, laudaverunt, voluerunt et, fide corporaliter prestita in manu nostra, concesserunt ut monachi Vallium Sarnaii habeant in perpetuum et quiete possideant decimam illam quam donavit dictis monachis Johannes, clericus de Plesseiz, apud Mansum-Roberti sitam ; et quod de cetero nichil per se vel per alios in dicta decima reclamabunt in manu nostra similiter bona fide fiduciaverunt, et super hoc contra omnes homines justam garantiam se portaturos firmiter promiserunt. Hoc voluit et concessit, fide corporali in manu nostra prestita, Nicholaus, domicellus de Urfino, de cujus feodo movet decima supradicta. In cujus rei testimonium et munimen, ad petitionem partis utriusque, presentes litteras inde fieri et sigillo nostro fecimus roborari. Actum .
