Carta Ricardi de Harecuria de quodam tenemento apud Magnam-Coronam.
- A Original en parchemin scellé3. — Inv., p. 41, c. A, nº 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Sciant omnes presentes et futuri quod ego Ricardus de Harecuria2, assensu et voluntate Johannis, fratris mei, concessi et tradidi Philippo de Valle-Racherii, pro servitio suo, totum illud tenementum quod Villelmus de Revilli tenebat de feodo meo apud Magnam-Coronam, scilicet in masuris, in terris lucrabilibus, in pratis et in aliis rebus, tenendum eidem Philippo hereditarie, quiete, libere et absolute de omni tallagio, auxilio, relevatione et omnibus serviciis, pro dimidio.........., reddendo mihi, , apud Rothomagum.......... Ut autem hoc stabile permaneat, scripto meo et presenti carta confirmavi, testibus hiis : domino Petro le Brun, milite ; domino Roberto de Rommeis, milite ; Johanne Luca ; Nicholao de Diepa ; Rogero Grosso ; Johanne Grongnet ; Hugone, preposito ; Willelmo de Renouvilla ; Philipo, filio Salomonis Parvi, et multis aliis.
