In nomine sanctæ et individuæ Trinitatis. Ego Adam lego monachis Sarnaii septem quadrantes vinearum Mundevillæ et modium annonæ singulis annis in granchia ejusdem villæ. Monialibus Bellomeri lego viginti solidos annuos in redditu carnificum apud Gallardonem ; Domui pauperum ecclesiæ Parisiensis duos sextarios annonæ annuatim, in granchia Mundevillæ ; monachis Castri Fortis unum arpennum vineæ similiter apud Fontanetum extra clausos ; presbitero ejusdem ecclesiæ unum arpennum vineæ similiter apud Fontanetum, extra clausos, ad missas cantandas in ecclesia Castri Fortis ; duos modios vini in clausis Fontaneti annuatim, ad opus fabricarum ejusdem ; ecclesiæ Beati Christophori viginti solidos annuatim in censibus Castri Fortis, in die anniversarii mei ; quinque solidos annuatim similiter in censibus Castri Fortis monachis ejusdem Castri et tribus presbiteris communiter distribuendos ; domum Odonis de Toisus presbitero, si potest ad hunc vinum acquiri, ad duodecim vel sex denarios censuales ; pro servicio lampadis Trium Regum quinque solidos annuos in censibus ; presbitero Sanctæ Trinitatis duos sextarios annonæ annuatim in granchia Castri Fortis ; ad fabricas ecclesiæ beati Thomæ quinque solidos annuos in censibus ; ad fabricas ecclesiæ Manneii quinque solidos annuatim in censibus Manneii ; presbitero Maneii duos sextarios annonæ annuatim in grangia Maneii. Garino de Buissum viginti solidos censuales in Plano Bosco ; duodecim solidos censuales, quos debebat monachis Castri Fortis, assigno eis a censuariis, scilicet Hugone de Guimberti Villa..... ; monialibus de Gif1 duos sextarios annonæ annuatim apud Castrum Forte ; presbitero Capellæ unum modium annonæ annuatim in mollendino de Mascenciis ; presbitero Mundevillæ in ipsa villa unum modium annonæ annuatim, et unum modium vini annuatim ; ad fabricam ecclesiæ ejusdem villæ unum sextarium annonæ annuatim ; ad Templum loricam et caligas ferreas ; leprosis Castri Fortis cooperturas ferreas. Hugoni Bordel reddantur sexaginta solidi ; Ricardo Demon reddatur terra sua pro octo libris ; restitutionem faciendam hominibus Mundevillæ procurent mei legatarii. Ita de majore ejusdem villæ defuncto terram Adæ de Copperia reddo sororibus ejus ; Theobaldo de Villa Faveroli reddat feodum ad probationem suam ; cæteras armaturas a supradictis committo dispositioni legatariorum, scilicet quoniam in hac dispositione testamenti mei ego et qui mihi assidebant forte in aliquo erravimus, aut minus discrete fecimus, legatariis meis, videlicet matri meæ, avunculo meo Roberto, fratribus meis Galleranno et Philippo ultimam stili mei libertatem committo et plenariam in omnibus addendi vel subtrahendi ; vel immutandi potestatem. Totum autem hoc, etiam conditionem hanc ultimo dictam, uxor mea fide firmavit sibi pro posse suo inviolabiliter observandam. Hujus rei testes sunt, qui presentes affuerunt : abbas Sarnaii, cum quibusdam monachis suis ; Salomon presbiter ; Hugo de Loges et Garnerius de Buissun et multi alii.