École des chartes » ELEC » Cartulaires d'Île-de-France » Saint-Martin-des-Champs » Tome 1 » II. — Actes concernant des établissements religieux unis plus tard à Saint-Martin » Mai 930

Hugues [le Grand], comte et marquis, unit un bénéfice héréditaire dont il se dessaisit, l'abbaye de St-Symphorien d'Orléans à celle de St-Samson [plus tard donnée à St-Martin-des-Champs par Philippe Ier].

  • A Original perdu.
  • B Copie dans le Chartularium Sancti Sansonis Aurelianensis (perdu). Le ms. du xve s., conservé aux Archives du Loiret (cote D. 386 provisoire) contient seulement des pièces de 1152 à 1439 (Stein, Bibliographie générale des Cartulaires français, p. 388).
  • a Marrier, Monasterii S. Martini a Campis... historia, p. 39, d'après B.
  • b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après b.

Quoniam inter nos (sicut ait Apostolus) « fines sæculorum devenerunt » profecto unicuique convenit Christiano ita præsentis sæculi cursum perficere, ut dum temporalibus fruitur bonis, summo ac vigilanti studio caveat, ne æternis subdatur pœnis, sed, in stadio hujus vitæ positus, sic utatur transitoriis, ut in futuro gaudeat præmio mansuræ felicitatis. Quapropter ego, in Dei nomine, Hugo comes et marchio, considerans peccatorum meorum pondus et miseriarum præsentis sæculi onus, quoddam proprium hæreditatis meæ, abbatiam Sancti Simphoriani, positam inter muros Aurelianis, quæ mihi paterna hæreditate legaliter pertinere videtur, pro remedio animæ patris matrisque meæ, atque pro redemptione meorum peccaminum, cæterorumque parentum meorum, cum duabus ecclesiis in honore S. Letæ3, sanctique Sulpitii, in suburbio præfatæ urbis positis, necnon cum cæteris ecclesiis ad illam abbatiam pertinentibus, villis, vineis, pratis, silvis, terris arabilibus, cultis et incultis, aquis aquarumve decursibus, quicquid ad ipsam aspicit vel aspicere videtur totum et ad integrum beatissimo confessori Christi Sansoni et suo episcopo Agano4, suisque successoribus necnon et canonicis ibidem Deo et sancto Sansoni servientibus, et inantea servituris, perpetualiter dono et in æternum habendum esse concedo. Si quis vero hæredum aut prohæredum meorum huic donationi contradicere aliquid voluerit (quod nullatenus fieri credimus) nostraque statuta esse inconvulsa noluerit, iram incurret omnipotentis Dei, sanctique Sansonis, suaque repetitio nullum effectum obtineat, expulsusque a regione viventium, æterna maledictione damnetur, duroque anathemate percussus, perpetuis incendiis maneat sine fine cruciandus. Ut vero hoc scriptum meæ donationis, meæque humilitatis per succedentia temporum spatia firmius permaneat, meo nomine illud prætitulavi et consignavi, et nominibus nobilium clericorum et laicorum roborari præcepi.

Actum Aurelianis civitate publice.

Hugocomes.

Signum item Hugonis comitis.

Anselmus humilis episcopus. Theodericus, Ermenterius, levitæ.

S. Fulconi. S. Theubaldi. S. Radulfi. S. Fulconi. S. Theubaldi5.

, D. Lem. manuensisa.


3 Corr. Sancti Leti. Saint Lié, solitaire du Berry, mort le 5 novembre 533.
4 Ayen (Aganus, Agano), évêque de Chartres et abbé de St-Samson. Son épitaphe le qualifie episcopus et comes (Etudes préparatoires à l'histoire des familles palatines, § III, p. 25).
5 Hugues Ier, fils de Roger, comte du Maine. — Anselme, évêque d'Orléans en 912, reçut une bulle de Léon VII le 9 janvier 938. — Foulques Ier, comte d'Anjou ; Thibaud Ier, vicomte de Tours ; leurs fils Thibaud II et Foulques II ; Raoul Ier, vicomte du Maine.
a Peut-être « Daniel emmanuensis scripsit ».