Le roi Louis IX, en conseil, ayant entendu les plaintes de frère Nicolas, chapelain du prieur de Saint-Martin, charge sire Pierre de Fontaines, chevalier, de rendre une sentence maintenant le prieuré en possession de la justice d'Annet-sur-Marne, malgré les revendications d'Eudes Le Roux et Hervé d'Yerres, prévôts de Paris.
- B Arch. nat., LL 1351, fol. limin. 5.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
, comparuerunt procuratores Prioris Sti Martini, de Campis, scilicet frater Theobaldus, prior de Aneto, et frater Nicholaus, capellanus prioris Sti Martini, in domo regia, in cuneo domus regie a parte magnipontis, coram consiliariis Domini regis Francie ibidem sedentibus, et instanter petebant inquestam quam preceperant fieri Oddoni Rufo, preposito Parisiensi, super justicia de Aneto, occasione cujusdam homicidii perpetrati in villa, et raptus cujusdam, in eadem villa similiter perpetrati, sibi deliberari et reddi. Qua inquesta diligenter inspecta a consiliariis predictis, et judicata coram Domino rege, pronunciari fecit Dominus rex per dominum Petrum de Fontanis militem, Priorem Sti Martini de saisina alte et basse justicie moraturum. Presentibus venerabilibus viris, domno Guidone de Nealphle, decano Sti Martini Turonensis ; magistro Oddone de Lorrez, magistro Juliano, ballivo de Vernolio ; dno Petro de Fontanis milite, qui predicta pronunciavit ; Giroldo de Sancto Quintino dicto Chievrefuel, ballivo Aurelianensi ; magistro Terrico et Thoma, clericis regis qui scribunt arrestaciones ; Radulpho de Sancto Laurentio, Jacobo majore Sti Martini, Johanne dicto Mauclerc majore de Noysi ; Johanne Le Riche de Noysi ; Guillelmo Murgale de Noysi ; Petro majore de Nigella ; fratre Petro monacho de Gardo12.
Prepositi Parisienses, videlicet Oddo Rufus et Herveus de Hedera, reddiderunt bona illius qui fecit homicidium procuratoribus antedictis, absque contradictione aliqua, die Veneris subsequenti , sed bona illius qui raptum perpetraverat, reddere distulerunt , que tamen dicta die reddiderunt.
