Sanson Mauvoisin, archevêque de Reims, et Josselin de Vierzy, évêque de Soissons, sanctionnent un accord entre Simon, prieur de St-Martin-des-Champs, et Gerri, abbé d'Igny, au sujet de la dîme de Raroy, dépendant du prieuré de Sainte-Gemme.
- A Original jadis scellé, Arch. nat., S 1434, nº 25.
- a Marrier, Monasterii S. Martini de C. hist., p. 401.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Sanson, Dei gratia Remorum archiepiscopus, et Joslenus, Dei patientia Suessorum vocatus episcopus, dilectis filiis Gerrico, Igniacensis monasterii abbati, et Symoni priori ecclesie Sti Martini de Campis fratribusque sub eis monasticam vitam professis, eorumque successoribus in perpetuum. Officii nostri auctoritate compellimur ecclesiarum ac monasteriorum a Deo nobis commissorum, paci ac quieti paterna sollicitudine providere. Vestre igitur petitioni annuentes, t. f. q. p. per presentem scripturam notificare decrevimus, auctoritate nostra confirmatam esse concordiam quam monachi de Sta Gemma, fecerunt de decima quam tenebant in territorio de Raroi cum fratribus Igniacensis ecclesie. Ideoque, pontificali auctoritate, sub anathemate interdicimus ne quis de his sive de illis ulterius hanc concordiam rescindere vel inquietare presumat. Ut autem hec scriptura firma et inviolabilis sit, sigillorum nostrorum impressionibus eam muniri pre[cipimus].
Ego frater Symon prior ecclesie Sancti Martini de Campis, notum fieri volui t. p. q. f. quod fratres nostri de Sancta Gemma decimam quam in territorio de Raroi possidebant, assensu nostro nostrique capituli, ecclesie Igniacensi pro vi sextariis ad mensuram de Sancta Gemma, tribus triticeis et tribus ordaceis, singulis annis persolvendis, concesserunt. Qnoniam igitur hanc conventionem ecclesia nostra et approbavit et confirmavit, potestate nostra que nobis in nostros, divina auctoritate tradita est, excommunicatum se noverit quicumque ex nostris ulterius hanc concordiam rescindere vel inquietare temptaverit, nisi resipiens satisfecerit. Ut autem hec scriptura pondus auctoritatis habeat, placuit nobis sigilli nostri impressione confirmari. S. Nicholai supprioris. S. Symonis, tercii prioris. S. Petri camerarii, monachorum de Sancto Martino. S. Guidonis conversi, prioris de Sancta Gemma, filii Guidonis de Molendino. S. Odonis secretarii. S. Mathei de Claromonte, monachorum de Sancta Gemma. S. Engelranni villici. S. Martini clerici, filii ejus. S. Dudonis Rosel. S. Albrici filii Ermengardis, familiarium ecclesie de Sancta Gemma.
Ego quoque, frater Gerricus, Igniacensis vocatus abbas, si quis ex nostris hanc concordiam, assensu nostro nostrique capituli confirmatam, aliquando perturbare temptaverit, potestate humilitati nostre a Deo in nostros concessa, excommunicatum eum pronuncio, donec resipiscens satisfecerit. Ut autem inviolabile robur hec scriptura obtineat, sigilli nostri impressione comprobare voluimus. S. Bartholomei prioris. S. Milonis supprioris. S. Henrici cellerarii. S. Hugonis, fratris Gervasii domini de Basocius278, monachorum Igniacensium. S. Leudonis ; S. Hubaudi ; S. Raineri, conversorum Igniacensium. S. Fulconis ; S. Hakenonis ; S. Guiberti, familiarium ecclesie de Sancta Gemma atque Igniaci.
Actum est hoc .
