Guillaume de Montier, chevalier, renonce, sous certaines réserves, à tout droit de voirie et d'avouerie sur la terre de Choisy-en-Brie, du consentement de sa femme Mahaud et de ses frères, Henri et Eudes.
- A Original perdu.
- B Copie de 1209, Arch. nat., LL 1351, fol. 110.
- C Copie du xve siècle, Arch. nat., LL 1352, fol. 117.
- D Copie du xvie s., Arch. nat., LL 1353, fol. 139.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Omnibus p. l. i. Guillermus de Monasteriis315, miles, salutem. Noverint universi quod, cum in causam tractus fuissem a Priore et monachis Sancti Martini de Campis Parisiensis coram episcopo, abbate Sancti Vincencii et decano Sancti Frambaldi Silvanectensis, judicibus a Domino Papa delegatis, super justicia et aliis rebus de villa Choisiaci, et super rebus constitutis infra potestatem de Choisiaco81, tandem, pro bono compositionis et pacis, quitavi et renuntiavi eis in integrum quicquid habebam vel tenebam in predicta villa et in tota ejus potestate, tam in viaria quam in advocatione et in omnibus aliis rebus et dominiis que habebam vel receperam de dono domini Galterii de Avennis et domine Margarete316 uxoris ejus, et domini Johannis de Montemirabili, preter infrascriptos homines meos de corpore, scilicet Blanchiam et Rogerium filium ejus, Gilam et Odelinam filias ejus, et Odonem Esclamart et Hildegardim sororem ejus, et preter terragium et censum in feodo de Gehannis315 et preter feoda que mihi remanent, exceptis justiciis et viariis in quibus Symon vicecomes et Hugo filius ejus316 cum monachis commune participabant. Huic autem quitationi et renuntiationi assensum prebuerunt Matildis uxor mea, et Henricus et Odo, fratres mei. Super hac autem compositione bona fide servanda imperpetuum tenenda, ego et predicti fratres mei H. et O. fidem dedimus in manu judicum predictorum. Ad hujus autem rei memoriam, presentes litteras prefatis monachis concessi, sigillo proprio roboratas.
Actum .
