Le prieur Gautier de Châlons constate un arrangement fait entre Adam de Brie et son fils Thibaud, au sujet de la dot constituée par ce dernier à sa femme Perrenelle.
- A Original perdu.
- B Copie de 1209, Arch. nat., LL 1351, fol. 89.
- C Copie du xve s., Arch. nat., LL 1352, fol. 87'.
- D Copie du xvie s., Arch. nat., LL 1353, fol. 105.
- a R. de Lasteyrie, Cartulaire général de Paris, p. 421, nº 505.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis, amen. Ego frater Galterius, prior Sti Martini de Campis, et totus conventus ecclesie, scripti hujus adnotatione memorie commendamus presentium et ad noticiam transmitto futurorum conventionem quandam que, sub presentia nostra, facta est inter Adam de Braia et Theobaldum filium ejus. Hec autem sic se habet : Adam, multis astantibus, manifeste [re]cognovit quod tam ipse quam uxor sua Emelina, mater scilicet ipsius Theobaldi, dederunt eidem Theobaldo, jure hereditario possidenda, ea que subjecta sunt : duas domos ante curiam Regis sitas, que sunt de censu Sti Maglorii, et totum censum suum quem habebant in loco qui Campellus appellatur, et domum quam habebant in Figularia, scilicet cum toto ambitu eidem domui adjacenti, et vineas quas habebant apud Mustariolum, et grangiam de Berciix cum universis terris447 et pratis ad eandem pertinentibus. Sciendum autem quod omnia alia predicta, excepta hac grangia de Berciix et suis pertinentiis, dedit pred. Theobaldus uxori sue Petronille in dotem. Verumptamen, quia prefatus Adam hec omnia quod viveret, in manu sua tenere volebat, timens ne filio suo, sepenominato Theobaldo, aliquod detrimentum vel calumpnia possit orririb, devestivit se de omnibus his predictis, in manus dominorum de quibus tenebat, et filium suum Theobaldum investiri fecit. Theobaldus vero nichilominus patris sui utilitatibus providens, assensu uxoris sue Petronille, hec omnia patri suo recipere commendavit, ea vid. conditione quod ipse Theobaldus totum censum de omnibus supradictis, dominis de quibus movet, persolvet. Adam autem, pater ejus, totum fructum qui de omnibus his provenire poterit, quoadusque in seculari habitu vixerit, habebit. Hec autem inter patrem et filium concorditer interposita, ne aliqua malitia turbari possent, pred. Theobaldus et uxor sua Petronilla, fide interposita, et juramento subsequente, firmaverunt. Hanc pactionem inviolabiliter se observaturos (dederunt etiam fidejussores de his immutabiliter observandis) fide interposita firmaverunt. Nomina fidejussorum hec sunt : Gilbertus, frater Petronille ; Robertus et Adam et Henricus, filii Balduini ; Ferricus, frater Philippi ; Galterius, filius Philippi ; Rogerus Arpinus Guimundus. Ex alia parte : Adam pater ipsius Theobaldi, et Maria uxor sua, fide similiter interposita, pepigerunt Theobaldo et Petronille, se ista bona fide custodituros, videlicet quod nullama ingenio vel arte quererent, vel consentirent, quomodo pred. possessiones eisdem vel heredibus eorum auferri vel minui vel in statum deteriorem converti possint. Isti surit testes hujus rei : Galterius prior, Joscelinus supprior, et alii. .
