Simon IV de Montfort et Gui son frère (seigneur de Beynes) confirment les dons de leur trisaïeul Amauri III, et l'accord fait par leur aïeul Simon III, comte d'Evreux, avec les moines de Saint-Martin, au sujet de la terre de la Couperie à Beynes.
- A Original en partie rongé, Arch. nat., S 1343, nº 21.
- B Copie de 1209, Arch. nat., LL 1351, fol. 107, coll. et complétée sur A intact.
- C Copie du xve s., Arch. nat., LL 1352, fol. 111'.
- D Copie du 20 février 1552, sur A déjà rongé, Arch. nat., S 1343, nº 22.
- E Copie du xvie s., Arch. nat., LL 1353, fol. 134.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Ego Symon dominus Montisfortis et Guido frater meus, notum fieri volumus t. p. q. f. quod felicis memorie comes Amauricus, abavus noster247, interventu domini Hugonis de Creceio, ecclesie Sti Martini de Campis dedit in elemosinam villam que dicitur Cuperia, cum nemore circumposito, quod vulgo Plessicum dicitur, et terra arabili, excepto quod Ono major et frater ejus de nobis tenent, exceptis etiam corveis nostris et equitatuum nostrorum submentionibus, hoc itaque donum abavi nostri ratum habemus, et ut futuris temporibus inconcussam et inviolabilem firmitatem obtineat, assensum nostrum adhibendo laudavimus. Sed quoniam de terminis prefati nemoris fuerat orta contentio diebus pie recordationis avi nostri domini Symonis, comitis Ebroicensis, ipse, prius acceptis hominum circummanentium probationibus legitimis, illud certis limitibus et metis designari fecit, et ipsum ecclesie predicte possidendum cum hac immunitate et libertate concessit, ut n[ullus homin]um nostrorum intra terminos ejusdem nemoris custodiam nec capturam [nec ullum omn]ino dominium usurpare presumat, ut etiam monachis liceat in ipso nemore novos hospites constituere, et idem non solum ad usum proprium assumere, sed etiam hospitibus suis tantum ad edificandum concedere. Nos igitur hoc donum, sicut prius pie factum est, et postea per dominum Symonem avum nostrum, comitem Ebroicensem, laudatum et confirmatum, laudamus et sigillis nostris confirmamus, testibus subscriptis. Ex parte nostra : Harmuino, Roberto de Sancmerches, Roberto de Beina248 militibus, et Renoldo Chauvet. Ex parte monachorum : Galtero, hostalario de Sto Martino ; Symone de Chaneveres, Petro de Crespereis, Symone de Crespereis248.
Actum .
