École des chartes » ELEC » Cartulaires d'Île-de-France » Saint-Martin-des-Champs » Tome 2 » XI. — Actes concernant Saint-Martin-des-Champs sous le règne de Louis VII (1137-1180) » 1er janvier ou 13 avril 1175 — 1er janvier ou 4 avril 1176

Adam IV de l'Isle complète, par de nouvelles libéralités, la dotation du prieuré de l'Isle-Adam.

  • A Original perdu.
  • B Copie de 1209, Arch. nat., LL 1351, fol. 118, incomplète du passage final entre crochets.
  • C Vidimus de Guillaume Gormont, garde du scel de Pontoise, du 2 juillet 1385, d'après A, Arch. nat., S 1420 nº 1.
  • D Copie du xve s., Arch. nat., LL 1352, fol. 130'.
  • E Copie du xvie s., Arch. nat., LL 1353, fol. 153', toutes deux d'après B.
  • F Copie du xviiie s., Arch. nat., S 1420, nº 2, « ex autographo », non authentique.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Notum sit presentibus et futuris quod ego Adam, dominus castri de Insula, pro animabus patris et matris mee et Adaleidis uxoris mee, et pro anima mea et filiorum meorum atque filiarum, et antecessorum meorum, dedi et concessi in elemosinam ecclesie Beate Marie de Insula et monachis ibidem Deo servientibus, jure hereditario possidenda, ea que subscripta sunt : Apud Berlencurt398 i arpennum terre ; apud Valmondes398 i hospitem ; apud Buteri398 culturam terre quam rustici ejusdem ville faciunt ad medietatem ; pro qua cultura Galterius, prior Sancti Martini, vii missas unaquaque ebdomada apud Sanctum Martinum celebrari concessit, et in hac ecclesia sex. Insuper xii denarios quos mihi debebant pro terra quam Guazo bolengarius tenere solebat. Dedi etiam capicerio, id est sacriste ejusdem ecclesie, ad oleum et ad ea que ei necessaria fuerint, apud Nogentum398 i hospitem et grangiam que est juxtaa Saxerun462 posita et virgultum et pratum et xi arpennos terre. Hanc autem grangiam et virgultum et pratum et predictos arpennos terre Nicolaus famulus et uxor ejus eidem ecclesie, quia jure hereditario possidere debebant, imperpetuum habendam concesserunt, et propriis manibus super altere posuerunt. Pro hac vero donatione Galterius, prior Sti Martini de Campis, in eadem ecclesia singulis annis, annale fieri concessit pro fidelibus. Sciendum est autem quod, pro xx solidis de censu quos monachi habebant apud Berlencurt398 et pro x solidis quos habebant in Insula de stalagiis, concessi eis xv arpennos terre in cultura mea de Parmeno398 ; pro singulis arpennis dantur monachi duo solido censuales ab illis qui eos tenent. Preterea in eadem cultura de Parmeno Terricus de Valmondes tenebat quandam partem terre ad censum iiii nummorum in prefatis octabis reddendorum : hos concessi prefate ecclesie pro censu capitis mei quem debeo Beate Virgini. In his autem omnibus concessi non solum dominicaturam sed et omnem justiciam et viariam, sive de latrone, sive de omnibus consuetudinibus quecunque possunt evenire de terra. Taliam quoque quam habebam super hospites Beate Marie apud Nogentum quietam dimisi, pro vi sextariis vinagii quos monachi habebant de grangia mea de Parmeno : concessi eis molturam bladorum suorum quietam usque ad unum modium annone, in molendinis meis. Omnium autem elemosinarum quas monachi habent, undecunque data fuerint, me defensorem et protectorem, et heredem meum prout ratio dictaverit, per omnia promisi ; et quicquid eidem ecclesie de feodo meo collatum fuerit, eosdem monachos imperpetuum habere et tenere concessi.

Hec autem omnia concesserunt Manasses frater meus, et filii mei Ansellus, Teobaldus, Adam ; et mecum posuerunt donum super altare [presentibus et videntibus hoc : Galterio priore Sancti Martini de Campis, Ricardo priore de Insula, Jozone sacrista, Galterio capellano, et Anculfo de Fleerlu, et Milone de Nogent et Hugone de Fonte. Igitur ut hec rata permaneant et immutabilia, volui ea scripto commendari et sigillo meo impressione communiri.

Actum .]


398 Jouy-le-Comte ; Frouville ; Valmondois ; Mériel ; Villiers-Adam ; Courcelles, hameau de Presles ; Parmain, hameau de Jouy-le-Comte ; Nogent, comm. de l'Isle Adam ; ca. L'Isle-Adam, ar. Pontoise. — Balincourt, comm. Arronville, ca. Marines, ar. Pontoise. — Butry, hameau d'Auvers-sur-Oise ca. Pontoise.
a Saxerim B.
462 Le Sausseron, affluent de l'Oise.