Les mêmes juges apostoliques règlent un différend entre Raoul, prieur de Cannes, et Foulques, curé de Dormelles (Même date).
- A Original perdu.
- B Copie de 1209, Arch. nat., LL 1351, fol. 105, non collationnée.
- C Copie du xve s., Arch. nat., LL 1352, fol. 109.
- D Copie du xvie s., Arch. nat., LL 1353, fol. 131'.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Absalon, abbas Sti Victoris, Robertus cantor et Hemericus, archidiaconus Parisiensis, omnibus p. l. i. salutem in Domino. Omnibus notum fieri volumus quod, cum auctoritate domni Innocentii Pape Tercii, inter Radulfum, priorem de Canis94, et Fulconem, presbiterum de Dormella275, super quibusdam querelis infrascriptis sub examine nostro controversia verteretur, tandem amicabilis inter eos compositio intercessit in hunc modum : Siquidem idem prior de Cannis, auctoritate Prioris et capituli Martini de Campis petebat medietatem oblationum ejusdem ecclesie de Dormella, et alterius ecclesie de Flagi275 quam idem presbiter tenebat, que fiunt in festivis et dominicis diebus, quocumque modo obveniant, sive pro vivis, sive pro defunctis, sive in prima missa, sive in aliis.
In aliis vero petebat diebus medietatem oblationum pro defunctis que fiunt dum corpus presens est, et de missis illis que celebrantur audito obitu illorum qui obeunt in peregrinatione, et de missis que fiunt pro illis qui moriuntur ante purificationem.
Petebat etiam oblationum que fiunt . Postulabat etiam quod de medietate oblationum quam habebat idem Prior in eisdem ecclesiis, et , predictus presbiter nichil detraheret occasione procurationibus clericorum, vel alia occasione, sed ex integro redderet. Necnon ut in prefatis ecclesiis de Dormella et de Flagi liceret Priori et sociis ejus, post missam parrochialem, cum vellent missas celebrare. Insuper conquerebatur idem Prior quod prefatus presbiter injuste detinebat ei medietatem de minutis decimis de Nusiaco36 et de ortis de quibus ipse presbiter censum habet. Et super his omnibus, dicebat idem Prior se et ecclesiam suam ab eodem presbitero injuste gravari, et super hoc rationes et instrumenta sua ostendebat. Unde idem presbiter, nolens contra conscientiam suam eundem Priorem et ecclesiam suam injuste vexare, pro bono pacis et concordie, licet predictis questionibus antea contradixisset, tamen postmodum adquievit, et propria voluntate consensit, liti renuntians et promittens pro se et successores suos se pred. omnia observaturum. Hec compositio utrique parti placuit, et petierunt ut eam litteris nostris roboraremus. Nos itaque prescriptam compositionem gratam pro bono pacis habuimus, et tam litteris nostris quam sigillis curavimus communire.
Actum .
