Le pape Alexandre III, sur la plainte de l'abbé Hugues II et des chanoines de Sainte-Geneviève, enjoint aux moines de Saint-Martin de remplir envers le Chapitre les obligations que leur impose le prébende dont ils jouissent.
Quod monachi Sti Martini de Campis debeant exhibere ecclesie Ste Genovefe Parisiensis debitum et consuetum servicium pro prebenda quam recipiunt ab illa. a.
- B Copie du xiiie s., Cartulaire de Sainte-Geneviève, Bibl. de Ste-Geneviève, ms. 356, fol. xviii smchamps_0533_.
- a Recueil des chartes et documents de l’abbaye de Saint-Martin des Champs, monastère parisien, Joseph Depoin (éd.). Ligugé : 1913-1921.
- Gallia christiana, VIII, 719.
- Non ind. Jaffé-Lœwenfeld, Regesta Pontificum Romanorum, t. II.
Alexander, episcopus, servus servorum Dei, dilectis filiis Priori et monachis Sti Martini de Campis salutem et apostolicam benedictionem. Significantibus Nobis dilectis filiis nostris Hugone abbate et fratribus Sancte Genovefe, accepimus quod, cum in ecclesia eorum prebendam habeatis, de qua fructus dicimini percipere annuatim, vos exinde predicte ecclesie denegatis debitum et consuetum servicium exhibere. Undeque, cum predicta ecclesia ad Nos, nullo mediante, pertineat, ipsius jura quadam specialitatis prerogativa tenemur propensius conservare, Discretioni vestre per Apostolica scripta precipiendo mandamus, quatinus pro prefata prebenda debitum et consuetum servicium impendatis ; scituri quod, si ad mandatum nostrum non feceritis, Nos equanimiter sustinebimus si predicti abbas et fratres prebendam ipsam et fructus Vobis duxerunt subtrahendos.
.
