Contrepartie de l'acte précédent : Frère Pierre, prieur de Saint-Martin, concède à Jean Erneis la participation aux bonnes œuvres de la communauté comme à toutes les pitances, avec les vivres et approvisionnements nécessaires à son alimentation et entretien, ainsi qu'à ceux de son valet.
- A Original perdu.
- B Copie du xiiie s., L 871, nº 93, sur un feuillet de parchemin opisthographe.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Universis p. l. i. frater Petrus, humilis prior monasterii Sti Martini de Campis Par., Cluniacensis ordinis, totusque ejusdem loci conventus, eternam in Domino salutem. Attendentes curialitates et beneficia que et quas Nobis et monasterio nostro Johannes dictus Erneys, defuncti Petri Erneys civis Parisiensis filius, fecit hactenus et impendit, ipsum in orationibus nostris accipimus ipsique Johanni, tanquam benemerito ex nunc damus et concedimus, sibique quamdiu vixerit, reddere promittimus ea que inferius continentur : videlicet quatuordecim albos panes pro se et quatuordecim nigros panes pro valeto ejusdem ; item, tres quartas vini de conventu, pro se et valeto suo ; item et vinum pitancie quando conventus habebit pitanciam, pro se et non pro valeto suo ; item pro se triginta quinque ova, et pro valeto suo quatuordecim ova ; seu pro ipsis ovis alectia secundum quod consuevit monachis et servientibus ministrari, in qualibet septimana. Item quatuordecim candelas de sepo et duodecim denarios, octo videlicet a Priore, et quatuor a conventu, pro cenis, hec omnia supradicta in qualibet septimana. Item, pitancias sicut conventus habebit : scilicet in Adventu et Quadragesima, veneris et dominicis diebus dumtaxat ; exceptis aliis pitanciis quas illi qui litteras habent a Nobis consueverunt percipere. Item minutiones, generalia, et infirmarias tanquam unus de monachis nostris. Item, unum sextarium potagii et unum porcum ad Natale, seu, pro valore ejusdem, viginti solidos. Item, duodecim moles grossorum lignorum quolibet anno. Item, in Qadragesima, unum boissellum gruelli et sex libras amingdalorum, et unam libram piperis, unam quartam olei, dimidium estret allium, unum centum cepium ; item, in Adventu, dimidiam quartam olei, dimidium centum cepium et dimidiam libram piperis. Item, , unum par sotulariorum de bazenna, et, ad Pentectostem, unum par solutariorum de aluda. Item, , unum par caligarum et duo paria de chaucons. Et, anno quolibet, unicum garnamentum. Item, quolibet mense, unam quartam sagiminis. Dictum quoque Johannem, in morte sua, ad sepulturam recipiemus cum habitu monachali. Nec aliquid, in bonis ejus presentibus aut futuris, poterimus reclamare, exceptis bonis que jam nobis idem Johannes contulit, prout in litteris super hoc confectis, sigillo Curie Parisiensis sigillatis, plenius continetur ; nisi nobis per ipsum aliquid de novo contingerit erogari. Que omnia supradicta dicto Johanni dare et facere promittimus et complere. In cujus rei testimonium sigilla nostra presentibus litteris duximus apponenda.
millº ducentº octogesimo quarto, apostoli. Actum est in Capitulo nostro.
