Frère Evrard, prieur de Saint-Martin, se rend au Conseil du Roi, où la reine Blanche de Castille se trouve, pour défendre les droits de son monastère contre les prévôts de Paris qui avaient en main l'affaire du meurtre du chevalier Guillaume de Carnetin,imputé à des habitants d'Annet-sur-Marne. Conformément aux précédents invoqués, le Conseil dessaisit la justice civile.
- B Notice du temps. Arch. nat., LL 1351, fol. limin. 4' et 5.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
, comparavit frater Evrardus prior Sti Martini de Campis Paris. coram consiliariis Domini Regis, bone memorie Blancha, illuxtri regina Francie adhuc vivente. Erant consiliarii predicti in logiis domus regie, juxta Curiam, ab opposito porte Regis. Proposuit idem Prior conquerendo de prepositis Parisiensibus, super eo videlicet quod dicti prepositi miserant super Anetum, villam prioris et ecclesie Sti Martini4, et capi fecerant injuste nanta quorumdam hospitum Sti Martini in villa predicta, occasione cujusdam homicidii perpetrati in parochia ville predicte, et in justicia et dominio dictorum Prioris et ecclesie, videlicet de domno Guilellmo de158 Quernetain milite qui dicebatur interfectus fuisse a quibusdam hominibus de Aneto. Dicebant autem dicti prepositi justiciam hujusmodi ad Dominum Regem pertinere. Prior vero e contrario asserebat totam magnam justiciam in villa et territorio de Aneto sive de murtreio, sive de rapto, sive de latrone, ad se pertinere. Dicebat etiam se et predecessores suos hujusmodi justiciis usos fuisse, a multis temporibus retroactis. Preterea dicebat super hujusmodi justicia inter dominum regem Francie, qui tunc temporis erat, et dictum priorem, nomine ecclesie Sti Martini, contencionem ortam fuisse, videlicet de duobus fratribus ville de Aneto, qui alios duos fratres interfecerant, quos Dominus rex diu detinuit in prisione. Predictus vero Rex super pred. justicia, inquisitionem apud Anetum fieri fecit, per fratrem Gylonem milicie Templi, thesaurarium ejusdem regis, et dominum Joannem dictum Le Gyay militem, qui inquisitionem diligenter factam et in scriptis redactam, ad Dominum regem reportarunt. Predictus vero Dominus rex, inquisitione predicta diligenter inspecta et intellecta, habito tractatu cum consiliariis suis, Parisius in aula regia, pronuntiavit pred. justiciam ad Priorem et ecclesiam Sti Martini pertinere, et dictos homines quos in prisionam (sic) detinebat, dicto Priori reddi fecit.
Premissis omnibus a dicto Priore propositis, et super easdem habito ad invicem consilio, pronuntiando dixerunt dicti consiliarii nanta predicta que, occasione homicidii predicti, a prepositis Parisiensibus detinebantur, priori Sti Martini esse reddenda, et eadem reddi fecerunt ; et preceperunt prepositis, videlicet Stephano Tatesaveur et Guernoni de Verbrie ut dictum Priorem permittent uti justicia predicta.
Hec sunt nomina consiliariorum Domini regis qui proposita audierunt, et pronuntiationi predicte interfuerunt, videlicet reverendus pater magister Johannes episcopus Ebroicensis, magister Stephanus, decanus Sti Aniani Aurelianensis, magister Guillemus de Senonis magister Odo de Lorrez, magister Petrus de Sto Martino, frater Reginaldus, de ordine Fratrum Minorum ; dominus Gaufredus de Capella miles ; dominus Petrus de Aneincourt miles.
Hii interfuerunt cum Priore : Garinus capellanus Prioris ; magister Petrus de Minciaco, archidiaconus Pisiacensis ; dominus Philipus, presbiter Sti Nicholai Par(isiensis), magister Robertus de Trefou, Jacobus major Sti Martini, magister Joannes de Carnoto, clericus.
