Sur les instances des prélats et avec l'agrément des barons, le roi Louis VI autorise les serfs de St-Martin à témoigner en justice et les admet au combat judiciaire avec les hommes libres, ainsi qu'il l'avait accordé aux serfs de l'église cathédrale de Paris par don de joyeux avènement en 1108 et, l'année suivante, aux serfs de Sainte-Genevièvea.
- A Original Arch. nat., K 21, nº 13.
- B Copie de 1129, Bibl. nat. de Fr., ms. lat. 10977, Liber Testamentorum, fol. 76, nº 115.
- C Copie du xiie siècle, ibid., fol. 48, nº 105 incomplète des notes chronologiques.
- D Copie de 1209, Arch. nat., LL 1351, fol. 19.
- E Copie du xve siècle, Arch. nat., LL 1352 (avec la date de 1110), fol. 18'.
- F Copie du xvie siècle, Arch. nat., LL 1353, fol. 18.
- a Marrier, Monasterii S. M. de C. historia, p. 22.
- b Theodori Pœnitentiale, II, 50.
- c Felibien, Hist. de Paris, III, 52.
- d R. de Lasteyrie, Cartul. gén. de Paris, nº 155 bis, t. I, p. 177.
- e Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Tardif, Mon. hist., nº 346.
- Luchaire, Annales de la vie de Louis VI, nº 95, p. 52.
In nomine Patris et Filii et Spiritus sancti, amen. Quia, preordinante Spiritu sancto, per Isaiam de Ecclesia dicitur quod « Mamilla regis lactabitur et reges erunt nutricii ejus », regalis serenitatis pietatem decet pro tranquillitate et pace Ecclesie regni jura temperare, plebiscita temperare (1 relaxare) et confracta solidare, ut Ecclesie filii a malignantium infestatione aliquatenus relevati, Dei servitio attentius vacare habeant, et catholicum regem ad regni gubernationem, orationum assiduitate, propensius adjuvare valeant. « Multum enim valet, ut habet Jacobi epistola, deprecatio justi assidua. " Orante nempe Moyse, Israhel superabat regem Amalec. " Rex autem gladio accingitur ", secundum apostolum Petrum, ad vindictam malefactorum, laudem vero bonorum, ut per collatam sibi divinitus potentiam obnutescere faciat imprudentium hominum ignorantiam, » constitutus in regno, juxta Geremiam, ut evellat et destruat et disperdat et dissipet, et edificet, et plantet ». Hac igitur ratione, spe et devotione, ego, Dei gratia, Francorum rex Ludovicus ecclesie Sancti Martini que dicitur de Campis, super servorum suorum contumeliosa et dampnosa in testimoniis abjectione adversus liberos supplicanti, lacrimanti et instanter rogitanti, tandem misericorditer auscultavimus, pontificum nostrum consilio, comitum quoque et procerum assensu. Hac prerogativa nostre Majestatis, omnes indifferenter hujus prefate ecclesie servos benigniter honestavimus, quatenus in omnibus causis, placitis at querelis contra universas ingenue potestatis personas, veritatis testimonium regali instituto, amodo usque in sempiternum exaltati, ut testes legitimi, proferant et proferendo asserant, salvo et integro jure et timore cujus sunt, ecclesie, ac deinceps dampnum vel repulsam se in hujusmodi negotiis protulisse nullatenus doleant vel erubescant. Horum itaque probationes aut liberi suscipiant, aut contradicendo falsificent. Regalis igitur decreti transgressor causam de qua agit inperpetuum amittat, excommunicationi subjaceat, et ejus calumnia irrita fiat ; interim etiam in testimonium non recipiatur, nec pacis osculo a fidelibus osculetur. Dignum est enim supra ceteros servos exaltare qui Ei serviunt, cui « servire est regnare ». Ut autem hujus instituti traditio per succedentia tempora inconvulsum vigorem optineat, litterarum memorie commendari, immo nostro nominis charactere et sigillo signari et corroborari precepimus. Presentibus de palatio nostro quorum nomina substitulata sunt et signa.
S. Anselli dapiferi. S. Willelmi Guarlandensis. S. Widonis de Turre292. S. Rogerii de Chatarauno. S. Herluini magistri regis. S. Bartolomei de Fulcois. S. Rainardi Rufi. S. Bernardi, nepotis ejus. S. Stephani cancellarii. S. Erchenbaldi323.
Actum Parisius . Stephanus cancellarius relegendo subscripsit.
(Mon. royal, Traces du sceau plaqué).
