Les moines de Montier-en-Argonne, exploitant les terres de Saint-Martin-des-Champs, transigent avec le chevalier Richer Flaeux au sujet d'une dîme qu'il exigeait sur ces terres.
- A Chirographe jadis conservé aux Archives de Montier-en-Argonne
- B Copie du xviie s Ms. lat. 9905, fol. 95.
- a Recueil des chartes et documents de l’abbaye de Saint-Martin des Champs, monastère parisien, Joseph Depoin (éd.). Ligugé : 1913-1921.
Cirographum. Notum sit t. p. q. f. de quadam conventione pacis que facta est inter Richerum Flael militem et fratres Monasterii in Argona, de quadam decima quam dictus miles exigebat in terris Sancti Martini de Campis quas idem dicti fratres sub annuo censu tenebant, pro qua etiam occasione isdem miles eisdem fratribus dampna et inquietudines multas frequentes intulerat. Tandem, mediantibus viris fidelibus, ad hoc utriusque partis pervenit assensus, ut predicti fratres predicto militi, pro bono pacis, duos sextarios frumenti et plenam minam, usque ad terminum sex annorum, sine aliqua juris recognitione annuatim persolvent, tali conditione, si fratres Monasterii infra dictum terminum de eadem decima garantiam sive, jurisdictione quesita, omnimodam defensionem invenire potuerint, Richerus miles ex omni deinceps decimarum exactione cessabit, sed et dampna que intulit, et preteritas exactiones quas injuste accepit, sine aliqua contradictione restituet. Hoc interim memorati fratres, retinende pacis gratia, non tam propria voluntate quam eorum qui interfuerunt coacti fecerunt. Facta est autem conventio ista et litteris annotata in presentia trium abbatum, scilicet domni abbatis Triumfontium R[ogerium], domni abbatis de Caheiro D[rogonem] ; domni abbatis de Insula A... 264, quorum etiam sigillis appositis, ne quis in posterum contraire presumat, est plenissime confirmata.
.
