Maurice de Sully, évêque de Paris, et Hugues V, abbé de St-Germain-des-Prés, mandataires du Saint-Siège, règlent un différend entre St-Martin-des-Champs et le curé de Crespières, Pierre, successeur de Geofroi.
- A Original jadis scellé, Arch. nat., L 876, nº 63, en partie rongé ; les fragments disparus du texte, rétablis d'après F, sont placés entre crochets.
- B Copie de 1209, Arch. nat., LL 1351, fol. 47', collationnée.
- C Copie du xve s., Arch. nat., LL 1352, fol. 47 (date 1160).
- D Copie du xvie s., Arch. nat., LL 1353, fol. 48 (date 1160).
- E Copie du xvie s., Arch. nat., LL 1358, fol. 83' (date 1155).
- F Copie du xvie s., non datée ni authentiquée, Arch. nat., L 876, nº 64, d'après A encore intact.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ego Mauritius, Dei gratia, Parisiensis episcopus et Hugo abbas Sti Germani [de Pratis] notum f. t. p. q. f. controversiam [inter monachos Sti Martini de Campis et Petrum, presbiterum de Cresperiis] de redditibus ad ecclesiam dicti loci pertinentibus extitisse [et inde ad presenciam Dni Pape appellatum fuisse. Qui causam ipsam] ex consensu utriusque partis nobis commisit audiendam, et vel [amicabili compositione, vel fine debito terminandam.] Cum itaque diem ipsius constituissemus, interim pars utraque conveniens, in hunc [modum, lite sopita, paci consensit. Predictus Petrus] sacerdos et omnes ejus successores unum modium melioris frumenti de decima [a monachis in eorum granchia annuatim] tantum accipient. Decima quoque de Valle Coldrelle et duo arpenni terre absque [décime redditione, unus juxta viam Ulmorum] et alter juxta Crucem Buxalam, et vinea de Chauderun, quam idem Petrus tunc temporis possidebat [absque decime dacione] et hospites sicut Gaufridus presbiter, predecessor ejus, eos habuit, ipsius Petri presbiteri et ejus successorum erunt, et dimidia pars totius alterius terre que ante diem pacis data fuerat presbitero, et que danda erat in elemosinam presbitero in futuro, ejus erit ; altera vero pars dimidia monachorum erit, ita tamen quod de parte sua presbiter monachis decimam dabit. Si vero aliud quam terra vel annuum censuale Petro presbitero vel successoribus ejus donatum in elemosina fuit ante pacem, vel erit in futuro, quicquid sit, [totum] erit presbiteri sine participatione monachorum. Legata quoque monachis ipsorum propria erunt. De omnibus vero oblationibus predicte ecclesie in missis tam pro vivis quam defunctis, a quocumque celebrate fuerint, in purificationibus quoque et nuptiarum oblationibus, et de candela Sti Bartholomei, due partes erunt presbiteri, et tercia monachorum, exceptis omnibus confessionibus et baptisteriis, et omnibus sponsalibus, tantum que ad portam ecclesie a presbitero accipiuntur, et excepto denario panis benedicti, que omnia erunt propria presbitero ; terciam etiam partem annone que offertur , ad monachos pertinentem, concedunt ipsi monachi ex integro sacerdoti, eo tenore ut quod ad eos pertinet de sinodo et circada, loco eorum, singulis annis episcopo Carnotensi persolvat. Quod ut ratum et inconvulsum in posterum observetur, auctoritate apostolica, scripti etiam presentis annotatione, et sigillorum nostrorum impressione confîrmavimus.
Actum est hoc .
