Henri, évêque de Senlis, notifie un accord entre Thibaud, prieur de Saint-Nicolas, et Jean Torchard, au sujet d'un dîmage à Brasseuse. Jean conservera la dîme, sa vie durant, et après sa mort Jean, son fils, jouira viagèrement de la moitié. Jean Torchard s'engage à racheter tout ce qu'il pourra des terres que les vilains de Bray et de Brasseuse ont frauduleusement soustraites aux moines ; il les conservera, moyennant une redevance forfaitaire pendant sa vie.
Carta Henrici Silvatectensis Episcopi de decima de Benoitum. a
- A Original perdu.
- B Copie dans le Cartulaire de St-Nicolas d'Acy (perdu).
- C Copie du xviiie s., Collection de Senlis, par Afforty, XIV, 640, d'après A.
- D Copie collationnée par Afforty, coll. Moreau, LXXXIV, 50-51, d'après les « Archives du prieuré de St-Nicolas d'Acy », incomplète des passages entre crochets.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Amen.
Ego Henricus, Dei gracia Silvanectensium dictus episcopus, universis sancte Matris Ecclesie filiis tam presentibus quam futuris imperpetuum. Cum pro quadam decimatione novalium de Braisilva12 que est apud locum qui dicitur Benoitemb, in quo videlicet Guido Buticularius annuatim avene redditus habere dinoscitur, questio emersa fuisset inter Theobaldum, priorem24Sancti Nicholai, et Johannem Torchardum, ipsa tandem hanc pacis formam sortita est. Partibus igitur in nostra presentia super eadem questione constitutis, Johannes, multis coram positis, jus ecclesie Sancti Nicholai recognoscens, in manu nostra posuit, et nos exinde, per manum ejusdem Prioris, prefatam ecclesiam investivimus. Hoc laudavit et approbavit Johannes puer, Johannis filius, qui ante presentiam nostram idcirco adductus fuerat, qui etiam monitu nostro ad Sanctum Nicholaum perrexit, ibique super altare ipsius, concessionem hujus rei benigne obtulit atque tunicam exinde habuit, quam ei memoratus Prior, de proprietate ejusdem ecclesie, consilio et voluntate fratrum suorum, pro hujus facti memoria donavit. Deinde concessum est hinc inde a partibus, quod Johannes Torchardus totam eamdem decimationem tali conditione in vita sua possidebit, quod, post obitum ipsius, ecclesia ejusdem Sancti Nicholai ejusdem decimationis medietatem habebit, et reliquam medietatem habebit filius ejus Johannes puer, si patrem suum supervixerit. Quam, nisi ad religionem se transtulerit, ad conditionem et consuetudinem Johannis patris sui in vita sua possidebit. Et si ille, prius quam pater suus, ab hoc seculo migraverit, tota eadem decimatio sine contradicto et aliqua retentione et diminutione, ad ecclesiam Sancti Nicholai redibit. Et interim, quoad vixerit Johannes Torchardus, pro ejusdem ecclesie juris recognitione unum sextarium bladi, medietatem avene, ecclesie Sancti Nicholai annuatim persolvet, quem idem Johannes in granchia sua de Barberi12 annis singulis habendum constituit.
Preterea sciendum est quod terras ecclesie Sancti Nicholai quas villanic de Braio12 et Braisilva fraudulenter subtraxisse dicuntur, Johannes, pro posse suo, se acquisiturum promisit. Quod si hoc efficere poterit, terras quas exinde revocaverit, eo tenore in vita sua possidebit, quod de singulis ejusdem terre arpennis plenam minam de bladio quod eadem terra eodem anno portaverit ad distinctum terminum eidem ecclesie reddet. Similiter pro quodam arpenno terre et dimidio quem sepedictus Johannes ab eadem ecclesia tenuere dinoscitur, plenam minam et dimidiam, annis quibus ipsa portaverit, ad predictam consuetudinem et ad prescriptum terminum eidem ecclesie annuatim reddere tenetur. Et post obitum ejusdem Johannis, absque heredum et parentum suorum calumpnia, ecclesia Sti Nicholai omnes terras illas sicut proprias, cum predicto arpenno et dimidio et quiete omni tempore possidebit. Quod ne valeat oblivione delerit, scripto commendavimus, et sigilli nostri auctoritate firmavimus, [subter annotantes nomina et signa testium].
Actum publice in domo nostra Silvanecti .
[S. Henrici archidiaconi nostri. S. Stephani decani Sti Reguli. S. Roberti Prioris Sti Martini de Campis. S. Josci sacriste ejusdem ecclesie. S. Petri camerarii. S. Nicholai sacriste Sti NicholaiS. Rogerii ejusdem ecclesie capellani. S. Roberti presbiteri de Barberie12. S. Petri Scantionis13. S. Hugonis Tagum.]
