Geofroi Coudecerf, évêque de Châlons-sur-Marne, confirme à Saint-Martin-des-Champs cinq autels dans son diocèse, Fréginville, Noirlieu, Verrières-sur-Aisne, Voilemont, Epense, avec leurs chapelles et leurs douaires.
- A Original perdu dès le xviiie s., conservé antérieurement aux Archives de Montier-en-Argonne. Cf. Collection de Champagne, XXIII, 107.
- B Copie du xviie s., ms. lat. 9905, fol. lxvi.
- a Recueil des chartes et documents de l’abbaye de Saint-Martin des Champs, monastère parisien, Joseph Depoin (éd.). Ligugé : 1913-1921.
- Gaignières, ms. lat. 17049, fol. 163.
In nomine sancte et individue Trinitatis, amen. Quia juxta propheticam et evangelicam vocem, « veritatem a filiis hominum diminui » et, refrigescente multorum caritale, iniquitatem, proh dolor ! videmus habundare, expedit ut per habundantiam bonorum operum multiplicitati iniquitatis et malitiae studeamus resistere258. Et, cum omnes omnibus officio debent caritatis impendere, prelati tamen Ecclesie, pro officio pastoralis cure, religiosis fidelibus impensius et devotius debent prospicere, ut de sua habundantia illorum inopiam supplere. Hac ratione et devotione ego Gaufredus, Dei gratia Cathalaunensis episcopus259 incitatus, pro salute anime mee et anniversarii mei recordatione, concessione et assensu Gaufredi archidiaconi mei, et aliorum archidiaconorum, totiusque nostri capituli, donavi monachis Sancti Martini de Campis Parisius manentibus, altare de Frisvilla260, altare de Nigroloco260, altare de Verreriis253, altare de Vualemont,253 altare de Expancia260, cum capellis et dotibus, et omnibus ad predicta altaria pertinentibus, salvo in omnibus episcopali et archidiaconali jure. Quod ut ratum et firmum permaneat, sigilli nostri impressione et testimoniis nostrorum canonicorum corroboravimus.
Signum magistri Rainerii, archidiaconi et decani. S. Odonis de Roseto261 archidiaconi, S. Gaufredi archidiaconi. S. Guidonis archidiaconi. S. Henrici thesaurarii. S. Guarnerii cantoris. S. Guineberti succentoris. S. Johannis capellani ; S. Gualterii, presbiterorum. S. Petri ; S. Guarnerii ; S. Radulfi, diaconorum. S. Stephani ; S. Rainaldi ; S. Rogerii, subdiaconorum. S. Balduini ; S. Hugonis ; S. Milonis, acolitorum.
Actum est hoc . .
