Etienne de Senlis, évêque de Paris, assiste au jugement rendu dans la cour d'Etienne de Garlande, au château de Gournay, par Raoul de Torcy, adjugeant à St-Martin la terre de Chenou, revendiquée par Foulques de Presles, mari d'une nièce du donateur Aubert de Brie, plus d'un an et d'un jour s'étant écoulés entre les épousailles et l'introduction de l'instance.
- A Original perdu.
- B Copie de 1223, Cartulaire A de Gournay, Arch. nat., LL 1397, fol. 17.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Convenit prelatis ecclesie supra greges suos sollerter invigilando, luporum rabiem arcere, et ne pabula desint omnibus collata ecclesiis, fidelium beneficia, suis et munimentis et interdictionibus quasi quodam vallo firmare. Ego igitur Stephanus, Dei gratia Parisiorum episcopus, sancte posteritati scribere, scriptumque sigilli nostri auctoritate munire curavi, quod terram de Chenuel152 quam ecclesia Sancte Marie de Gornaio ex dono Alberti de Bri per septem annos quiete possederat Fulco de Praheliis335, pro eo quod ejusdem Alberti neptem habebat, extra nuptiarum annum et diem405 calumpniatus est. Dieque, assensu partium, denominata, in curia Stephani dapiferi400 qui tunc Gornaium tenebat, ad cujus dominium terra illa pertinebat, causa diligentissime ventilata et terminata, me presente et annuente, multis quoque clericis et laicis, terra eadem prefato monasterio justo judicio adjudicata est habenda. Judicium autem fecit Rodulfus de Torcheio139, quod confirmatum fuit ibi sanum esse et stare debere. Hanc, inquam, terram ego, de cujus feodo predictum castrum, et que ad illud pertinent, descendebat, sicut eidem monasterio predecessor meus Girbertus concesserat, liberam concessi. Causam itaque istam sic processisse et sic terminatam fuisse testantur qui viderunt et audierunt : Bernerius decanus, Teobaldus de Vileir archidiaconus, Robertus subcentor, domnus Matheus406 prior cum monachis istis : Ingenulfo et Gamo ; supradictus Rodolfus, Symon de Brai, Henricus Magnus, Hugo filius Garnerii134, Teodericus filius Roberti, Radulfus de Martreil, Robertus de Combel, Johannes de Campis, Savericus miles, Warinus de Capreis398, Henricus major, Henricus famulus monachorum, et multi alii.
