École des chartes » ELEC » Cartulaires d'Île-de-France » Saint-Martin-des-Champs » Tome 4 » XV. — Actes concernant Saint-Martin-des-Champs sous le règne de saint Louis (1226-1270) » Anagni, 8 janvier 1233

Le pape Grégoire IX place sous la protection da Saint-Siège le monastère de Saint-Nicolas près Senlis.

  • A Original bullé. Archives de l'Oise, H 25761.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Gregorius episcopus servus servorum Dei. Dilectis filiis Priori et monachis Sti Nicholai juxta Silvanectum, Cluniacensis ordinis, salutem et apostolicam benedictionem. Cum a nobis petitur quod justum est et honestum, vigor equitatis quam ordo exigit rationis, ut id per sollicitudinem officii [nostri], ad debitum perducatur effectum. Eapropter, dilecti in Domino filii, vestris justis postulationibus grato concurrentes, assensu, personas vestras et locum in quo divino estis obsequio mancipati, cum omnibus bonis que inpresentiarum rationabiliter possidet aut in futurum justis modis, prestante Domino, poterit adipisci, sub beati Petri et nostra protectione suscipimus, et presentis scripti patrocinio communimus. Districtius inhibentes, ne quis de novalibus vestris, que propriis manibus aut sumptibus colitis, sive de vestrorum animalium nutrimentis, de quibus aliquis hactenus decimas non percepit, vel aliquid aliud, nomine decimarum, decimas a vobis exigere vel extorquere presumat. Nulli ergo omnium hominum liceat hanc paginam nostre protectionis et inhibitionis infringere vel ei, ausu temerario, contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus, se noverit incursurum.

.