Les moines de Saint-Martin ayant obtenu au Parlement, le 4 novembre 1258, un arrêt les maintenant en possession de la haute justice de Noisy, érigent des fourches patibulaires et y suspendent le simulacre d'un larron pris par eux et mort dans les prisons du roi durant le procès ; les prévôts de Paris, l'apprenant, font abattre les fourches ; appel au Parlement, qui ordonne leur rétablissement par arrêt rendu au présence du roi.
- B Notice du temps. Arch. nat., LL 1351, fol. limin. 6'.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Qua saysina justicie de Noysiaco, ut predictum est, nobis deliberata et reddita. Elapso unius diei spacio, fecit nos conveniri Dominus rex coram se ipso, ad respondendum eidem, super proprietate justicie supradicte. Nobis, die assignata, comparentibus coram ipso, per procurationem, videlicet per fratrem Nicholaum predictum, respondimus nos non velle procedere contra ipsum Dominum regem per viam litis, in causa proprietatis justicie supradicte ; sed parati eramus tradere rationes quibus nitebamur ostendere et probare proprietatem dicte justicie ad nos et ecclesiam nostram pertinere debere, et privilegium Ludovici regis ostendere, per quod, cum racionibus antedictis, intencionem nostram intendebamus assequi et etiam optinere. Quibus rationibus traditis consiliariis Domini regis, viso etiam ab ipso dicto privilegio, facta discussione super tenore privilegii et super racionibus antedictis, concordato super hoc curie consilio, nobis petentibus cum instantia, super causa proprietatis predicte pred. justicie, alte videlicet, sententiam sive judicium exiberi ; pronuntiari fecit Dominus rex per dictum Petrum de Fontanis militem, nos posse uti de cetero saysina justicie supradicte, prepositis Parisiensibus inhibendo ne impedimentum de cetero apponerent in saysina alte justicie de Noysiaco1, prout superius est expressum. Presentibus reverendo patre Alelmo, episcopo Meldensi ; magistro Adam dicto Chapon, cancellario Meldensi, magistro Johanne de Sancto Pharone, magistro Gaufredo dicto Chartein et magistro Gilone de Coullemiers, sociis predicti episcopi ; magistro Oddone, thesaurario Baiocensi ; magistro Johanne de Nemosiis, clericis consiliariis Dni Regis ; domino Petro de Fontanis, domino Gervasio de Escreniis, domino Matheo de Bianna, militibus et consiliariis predicti Dni regis ; Johanne de Monlucon clerico qui scribit arestationes ; Stephano Tatesaveur baillivo Senonensi ; Geraldo de Kieuveriuz baillivo Aurelianensi ; fratre Ivone priore de Bonnella ; fratre Adam sacrista et fratre Nicholao procuratore, ut predictum est. Factum autem fuit hoc apud Parisius, .
Postmodum, elapso octo dierum spacio, durante Pallamento predicto, furcas de novo apud Noysiacum erigi fecimus, et similitudinem latronis, nobis redditam pro latrone capto apud Noysiacum predictum, et in prisione Dni regis mortuo, pendente lite inter nos et Dnum regem super possessione justicie dicte ville, ad predictas furcas suspendi fecimus. Quo facto, prepositi Parisienses, videlicet Johannes de Chambaudon et Petrus dictus Gontiers, de Villa Nova versus Senonis, abscidi fecerunt predictas furcas. Quibus abscissis, de ipsis prepositis querimoniam super hoc fecimus coram Rege seu consiliariis ejusdem. Querimonia nostra audita, et rationibus nostris super hoc intellectis, a predictis consiliariis, concordato super hoc curie consilio, precipi fecit Dnus rex per dictum Petrum de Fontanis militem, prepositis antedictis quod furcas quas abscidi fecerant, reerigi facerent, et remanere erectas permitterent, nisi inveniretur in illa patria contraria consuetudo, videlicet quod si aliquis haberet latronis justiciam nec posset in illa patria furcas erigere, si necesse esset. Quo diligenter a predictis prepositis inquisito, nec invento ; nobis instanter petentibus ut pred. furcas erigi facerent ; ipsi, concordato inter se consilio, consuetudine, ut predictum est, contraria non inventa, juxta mandatum Dni regis sibi factum, ut dicebant, adjudicaverunt nobis predictas furcas de jure posse erigi et erectas remanere, confitentes justiciam de Noysiaco nostram esse.
Factum autem fuit hoc in Castelleto Parisiensi, ; presentibus Johanne de Chambaudon qui predicta pronuntiavit et Petro dicto Gontier, prepositis Parisiensibus ; domino Johanne de Morteri, domino Petro de Labevile, militibus ; Galtero Le Cervoisier, Petro le Coquilier, Petro de Charrona, majore Sti Maglorii, et Johanne de Balleta, civibus Parisiensibus, Johanne de Bornuel, Hugone dicto Cochemet, Johanne dicto Viguereus de Pontivo, servientibus de Castelleto ; Galtero qui scribit adjournaciones in Castelleto, Gaufredo de Nogento versus Insulam Ade ; Radulpho de Fonte majore domini Johannis de Morteri apud Marceroliis et Gilone de Ebla, serviente de Castelleto, et fratre Nicholao procuratore nostro.
Sabbato subsequenti reerigi fecit idem procurator furcas antedictas, presentibus 1
