Le prieur Robert approuve le contrat par lequel les moines de Saint-Nicolas d'Acy ont acquis la dîme de Bray.
- A Original sur parchemin, Archives de l'Oise, H. 663.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Armand Rendu et Coüard-Luys, Inventaire des Archives de l'Oise, série H, t. I, p. 166.
Ego frater R[obertus], prior ecclesie Sancti Martini de Campis, totusque ejusdem loci conventus, universis tam presentibus quam futuris notum fieri volumus quod fratres nostri Prior et monachi ecclesie Sancti Nicholai de Achiaco, que tanquam specialis filia ad nos spectare dinoscitur, ab abbate et fratribus Sancti Vincentii Silvanectensis, quicquid ipsi in decima de Braio109 tam in dominio quam in possessione de dono et elemosina Willelmi militis de Gonissa habebant, sub annua pensione possidendum in perpetuum, nobis laudantibus et annuentibus, receperunt, ita videlicet quod septem modios bladii ad minus medietarii et tres modios avene, ad mensuram capituli Beate Marie Silvanectensis, annis singulis idem fratres nostri in granchia sua apud Braium de eadem decima memoratis fratribus Sancti Vincentii reddere tenebuntur ; ipsi vero, quantum ad sextam partem eorum pertinet et jus et ratio dictaverit, eidem ecclesie garandiam omnimodis portabunt. Ut autem hec firma et inconcussa permaneant, presentem cartam in testimonium et munimentum hujus rei fieri fecimus, sigillo ecclesie capituli nostri firmatam.
Actum .
