École des chartes » ELEC » Cartulaires d'Île-de-France » Saint-Martin-des-Champs » Tome 3 » XIII. — Actes concernant Saint-Martin-des-Champs sous le règne de Philippe-Auguste (1180-1223). » Juillet 1214

Le prieur Jean Ier concède à Pierre Mercadé, chanoine de Saint-Denis de la Châtre, sa vie durant, une maison sise au chevet de cette église, où il devra faire pour dix livres de réparations, en échange d'une autre qu'il tenait à vie du Prieuré, située au-dessous de la porte du cloître.

  • A Original perdu.
  • B Copie du xvie s., S* 1056, fol. xlii.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Ego J[ohannes], humilis prior Sancti Martini, totusque conventus, notum facimus omnibus ad quos presens carta pervenerit, quod cum Petrus Mercadeus clericus quandam domum haberet infra portam claustri Sancti Dionisii de Carcere, quam a nobis acceperat ad vitam suam, nos, de assensu et voluntate Prioris de Carcere, quandam domum nostram, sitam ad caput Sancti Dionisii de Carcere que fuit domini Petri, quondam canonici Sancti Dionisii de Carcere, pro dicta domo quam tenebat, nobis imperpetuum dimittendam, eidem Petro Mercadeo dedimus et concessimus ut ipse, quamdiu vixerit, in quocunque statu, per se vel per alios quiete et pacifice teneat et possideat. Ipse vero prefatam domum quam tenebat in manu Prioris Sancti Martini et Prioris de Carcere resignavit et eam sibi in perpetuum omnino quitavit. Ponet insuper x libras in meliorationem dicte domus que est ad caput Sancti Dionisii, infra duos annos completos sol., et secundo alios c. Et de illa solvet Priori de Carcere, annuatim, x sol. censuales, v sol. , et alios v sol. in Natali Domini. Prior autem et monachi de Carcere anniversarium patris et matris ejusdem Petri Mercadei in ecclesia sua faciant annuatim, quamdiu vixerit idem Petrus, et post decessum ipsius, anniversarium suum, sub eadem die, una cum predictis, perpetuo celebrabitur. In cujus commemorationem, monachorum ipsorum nemorie altius et libentius infigendam, Prior de Carcere, quicunque pro tempore fuerit, reddat de fructibus predicte domus restitute ab ipso Petro monachis de Carcere, duos solidos ad pitenciam piscium . Postea, finito cursu vite ipsius Petri, predicta domus, cum sua melioratione, ad ecclesiam Sancti Dionisii de Carcere libere et absolute revertetur. Quod ut ratum et inconcussum permaneat, presentes litteras fecimus sigilli nostri munimine roborari.

Actum .