Guillaume de Garlande approuve la cession d'un second tiers de la grosse dîme de Bray par Guillaume Torchard et sa femme Rohais, avec l'assentiment de Louis [Le Queux] et des autres frères de Rohais, en faveur de St-Nicolas-d'Acy, Barthélemi étant prieur.
- A Original perdu.
- B Copie du xviiie s., collationnée par Afforty, Coll. Moreau, LXXXIX, 60.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Ego Guillelmus de Garlandia notum fieri volo tam f. q. p. quod Guillelmus Torchardus et uxor ejus Roes tertiam partem totius majoris decime de Braio, quam a me in feodum tenebant, et quam predicta Rohes, matrimonii jure, habebat, in presentia domini Gaufredi, Silvanectensis episcopi, et nostra, monachis Sancti Nicholai de Aci vendiderunt, et jure perpetuo habendam et possidendam concesserunt, et inviolabiliter tenendam fiduciaverunt. Hoc etiam Ludovicus, uterque Johannes et Petrus, fratres ejusdem Rohes, voluerunt et concesserunt, et hoc se firmiter tenere, et super hoc garandiam portare fiduciaverunt. Hujus venditionis fidejussores se constituerunt Theobaldus de Gonessia32, Johannes Torchardus, Petrus Torchardus frater ejus. Hoc ego, existens in presentia ejusdem episcopi, volui, concessi et approbavi. Laudavit etiam hoc et concessit uxor mea Idonea et filii mei, Guillelmus, Robertus et Theobaldus. Hujus rei me testem et fidejussorem, coram predicto episcopo, constitui et garandiam monachis portare semper tenebor.
Hujus rei testes sunt Hugo abbas Sancti Vincentii141, Henricus archidiaconus Silvanectensis, Hermerus decanus Sancti Frambaudi,140 Stephanus decanus Sancti Reguli, Johannes Balbus, Johannes Poeta, Bartolomeus prior Sancti Nicholai et Nicholaus sacrista. De militibus : Theobaldus de Gonessia32, Erchenbaudus, Johannes Rondellusa. De burgensibus : Ernulfus major, Hemmardus de Sancto Vincentio, Albericus nepos Joszonis sacriste Sancti Martini. De rusticis : Herveus de molendino, Albericus ejus nepos ; Johannes filius Fulcaudi. Quod ut ratum et inconvulsum permaneat, sigilli nostri caractere subterfirmare curavimus.
Actum publice Silvanectis .
