École des chartes » ELEC » Cartulaires d'Île-de-France » Saint-Martin-des-Champs » Tome 1 » V. — Actes concernant Saint-Martin-des-Champs prieuré de Cluny, sous le règne de Philippe Ier » Soissons, 13 avril-14 juillet 1096

Charte solennelle d'union de prières entre Hugues, évêque de Soissons, au nom de son chapitre, et le monastère de Saint-Martin de Paris dit ès Champs (in Campis), auquel il accorde les autels de Sainte-Gemme et de la Noue.

  • A Orig. av. sceau épiscopal, Arch. nat., S 1434, nº 29.
  • B Copie de 1129, Bibl. nat. de Fr., ms. lat. 10977, Liber Testamentorum, fol. 66, nº 101.
  • C Copie du xiie s., Liber Testamentorum, fol. 62, nº 131, incomplète des notes chronologiques.
  • D Copie de 1209, Arch. nat., LL 1351, fol. 79', collationnée sur A et complétée par D. Marrier.
  • E Copie du xvie s., Arch. nat., LL 1353, fol. 90.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

In nomine Patris et Filii et Spiritus Sancti. Amen.

Singulorum hominum justitia cum per se, aut fere nulla, aut vere satis exigua sit, necessarium valde est, hanc inter universos sustentationis vicissitudinem discurrere, que ad bene subsistendum et Deo standum quod ipsi ex se non habent, alterni suffragio solatii plene percipiant. Neque vero cuiquam de suis sibi virtutibus ita blandiendum est, ut vel eas sibi ad beatitudinis meritum sufficere, vel aliene opis presidio se minime indigere credere debeat, cum ex hoc quoque electorum perfectio constet, ut cum in monte Virtutum steterint, in convalle se Humilitatis aspiciant, et adhuc profectum, non tantum per se, sed et per alios querant. Omnibus igitur Celesti vocatione vocatis, sursumque ire necesse habentibus, cum sublimium virorum auxilio indigere perspicuum sit infrapositos quales nos sumus indigni et peccatores ; videndum etiam est utrum e converso inferiores aliquid in promovendo superioribus conferant. Atqui ipsis etiam bonis aliorum minus bonorum suffragatio expetenda videtur qui ideo quorumlibet fidelium societa [tem et frater] nitatem asciscunt. Quam omnium commendantibus notis, Deo, regi suo, gratiores se fore recte sentiunt. Et vere bonum est omnium in com[mune, magnorum] sive parvorum, oratio ; etsi enim nostra non impetrant merita, tamen quia omnes uno spiritu Dei vivimus, Hunc eundem in nobis et postulantem credimus et impetrantem. Adhuc autem quotquot fideliter aliquid petentes nomen Domini Jhesu invocamus, proximus noster est, et exaudiens, ut nomen suum invocatus agnoscat et non avertat. Ipse utique et Spiritus ejus, totius Ecclesie pax et unitas, hoc inspirare et preficere dignatus est, ut sancta Suessionensis mater Ecclesia et Sti Martini Parisiensis, qui cognominatur in Campis, Deo familiaris Congregatio, amplius in Xristo sancto fœdere conexe, orationum et beneficiorum gratia mutuo perfruantur. Videns igitur ego Hugo, Dei gratia Suessorum episcopus, hanc utriusque ecclesie conexionem viam ad Celum esse, decrevi, totius capituli nostri deposcente affectu, illi beate Congregationi Ecclesiam nostram benignam esse, hac quoque ratione, et commodam. Concessimus enim prefato Beati Martini monasterio, in personatum et quiete habenda, altaria, unum Ste Gemme181, sine illa etiam exactione que vulgariter dicitur sonniataa, alterum cum sonniata in villa que Noa vocatur182, salvo episcopi debito jure. Nimirum eis Dei electis et jam, Dei gratia, hoc fratribus nostris annui dignum fuit, qui suam nostramque congregationem unam domum fieri, et sic amodo appellari volentes, ita sue sanctitatis obsequium nostre dilectioni et saluti se impendere fideliter promiserunt, ut et nostros vivos ubique in suis locis, tanquam suos suscipiant, et pro mortuis, curam parem suorum agant. Denique pro omnibus canonicis nostris, vivis sive defunctis, in eternum specialiter orent. Sed et ipsi quo sublimiores sunt, eo humilius nostre fraternitatis participationem poposcerunt ; quod nos quoque eis contulimus, ejus rei utilitatem non de nostris meritis sed de eorum fide et Dei misericordia presumentes. Hujus itaque sancte societatis memoriale in altarium prefatorum concessione cum sigillo nostro designari censuimus, ut et quanta sit utriusque ecclesie invicem devotio, queve nostra concessio omnibus innotescat.

Signum Hugonis episcopi. S. Petri et Fulchonis archidiaconorum. S. Lisiardi prepositi. S. Hugonis decani. S. Ingelramni et Ebali, archidiaconorum. S. Warneri, Odonis, Hugonis, item Hugonis, Gualteri, Rogeri, Petri, Gualteri, sacerdotum. S. Rotberti precentoris, Erchenaldi, Petri, Rainardi, Manasse, Fulconis, Odonis, Girardi, Bernardi, Rotberti, item Rotberti, diaconorum. S. Teobaldi, Ivonis, Anselli, Gualteri, Bartolomei, Giraldi, Odonis, item Odonis, Adam, Johannis, Rainoldi, Guarneri, Gualteri, subdiaconorum. S. Petri, Ivonis, Ansoldi, Hugonis, Arnulfi, Willelmi, Walterii, Ingelranni, Ansculfi, acolitorum.

Actum in urbe Suessonica, in basilica Sanctorum martirum Gervasii et Protasii . Ego Hugo sancte Suessionensis ecclesie cancellarius, relegi et subscripsi.


181 Sainte-Gemme, ca. Châtillon-sur-Marne, ar. Reims. Cette église est comprise dans la bulle du pape Urbain II du 14 juillet 1096.
a Droit de gîte ou de nuitée (Du Cange, d'après une confirmation de l'évêque Baudri de Noyon, en 1102, ap. Martene, Amplissima Collectio, I, 599).
182 La Noue, éc. Pisseleux, ca. Villers-Cotterets, ar. Soissons (Aisne).