1134. VII. — Actes concernant Saint-Martin-des-Champs sous le règne de Louis VI le Gros, de 1126 à 1137. Tome 2. Saint-Martin-des-Champs. Joseph Depoin, Recueil des chartes et documents de l’abbaye de Saint-Martin des Champs, monastère parisien, Ligugé, 1913-1921, 5 vol. (Archives de la France monastique, 13, 16, 18, 20, 21).

1134

Thibaud II, prieur de St-Martin, cède à l'abbé Gilbert et aux moines de St-Hubert-en-Ardenne résidant à Sainte-Gemme, un aleu à Brienne-en-Laonnois, sur la Retourne, devant le château neuf, moyennant une rente de deux marcs d'argent, poidshustin. Barthélemi, évêque de Laon, intervient pour assurer l'exécution du contrat sous peine d'Interdit.

A Original Arch. nat., S 1434, nº 18. Deux sceaux, l'un fruste, l'autre avec légende : SCS. HVBERTVS. ARDVENNENSIS. Deux autres sceaux perdus.

B Copie de 1209, Arch. nat., LL 1351, fol. 88, collationnée et complétée.
C Copie du xv^e siècle., Arch. nat., LL 1352, fol. 86'.
D Copie du xvi^e siècle, Arch. nat., LL 1353, fol. 104'.

a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.

D'après a.

In nomine sancte et individue Trinitatis. Res acte vel agende necessario litteris inserviuntur, ut ad memoriam posterorum revocentur. Quocirca ego frater Theobaldus, prior Sti Martini de Campis, notum fieri volo t. p. q. f. conventionem que facta est inter ecclesiam nostram et ecclesiam Sti Huberti in Arduenna sitam, communi consilio et assensu tocius capituli nostri, tociusque capituli Sti Huberti Arduennensis. Alodium igitur nostrum quod vocatur Briania in pago Laudunensi super Retonce17 situm, ante novum castrum, amodo et in posterum concessimus prefatis monachis Sti Huberti jure perpetuo possidendum, cum omnibus appendiciis suis, tali videlicet conventione ut, singulis succedentibus annis, ab abbate vel conventu prefati Sti Huberti apud Sanctam Gemmam18 in manus prioris ipsius loci per manus prioris Sancte Marie Euerneicurtis19, due marce puri argenti et hustini ponderis ecclesie nostre persolvantur, una in festivitate Sti Dionisii, alia in octavis Pasche. Episcopus autem universumque capitulum Laudunensis ecclesie, sepedicti abbatis Sti Huberti conventusque sui precibus submoniti, confirmant et manutenent conventionem istam, tali scilicet conditione quod, si denominate marce prefatis terminis ex integro reddite non fuerint, audito clamore, episcopus, si infra dyocesim fuerit, universa altaria et ecclesias que Sti Huberti ecclesia in episcopatu Laudunensi possidet, sine ulla dilatione sesiet, divinumque officium in ipsis cessare faciet, donec marca illa que prescripto termino suo reddita non fuerit, cum lege decem sol. Remensium nobis restituatur. Si vero infra diocesim episcopus non fuerit, archidiaconi illi qui prefatis ecclesiis et altaribus Sti Huberti prefuerunt, sane eandem justiciam prosequentur.

Quod ut ratum inconvulsumque permaneat, utriusque ecclesie conventuum consilio, presenti pagine annotavimus, et impressione sigilli Sti Martini Stique Huberti Arduennensis, et abbatis ejusdem loci Gisleberti, dominique Bartholomei, Laudunensis episcopi, roboravimus, assignatis ex utraque parte testibus idoneis.

Ex parte Sti Martini : S. Odonis custodis ordinis. S. Guoduini. S. Andree. S. Gislemari. S. Rurici. S. Manasse. S. Richardi. S. Odonis. S. Hugonis. S. Simonis. S. Willelmi. S. Ernoldi. S. Roscelini. S. Roberti. S. Widonis.

Ex parte Sti Huberti : S. Gisleberti abbatis. S. Warnerii prioris. S. Isemanni prioris Everneicurtis. S. Everhardi. S. Walterii. S. Wenrici. S. Widonis. S. Humberti.

Actum anno ab Incarnatione Domini Mº Cº XXXº IIIIº, indictione xii, Ludovico rege Francorum anno xxvi, Rainaldo Remorum archiepiscopo, Bartholomeo Laudunensium episcopo.