Ego Robertus, prior Sti Martini de Campis, et conventus, notum facimus t. p. q. f. quod talliam quam ab hominibus de Limogiis et Furcis65 singulis annis exigebamus, ex eorum voluntate et petitione adcensivimus in hunc modum, ut pro tallia ipsa censum annuum in festo Sti Dyonisii precise ac determinate nobis persolvant, scilicet pro mensuraa integra xv solidos, pro dimidia vii solidos et dimidium ; nec aliquid ab eis amplius super hoc exigi poterit, salvis aliis consuetudinibus nostris. Si vero tallia propter necessitatem Dni Regis ab hominibus ecclesiarum communiter exigetur, tunc jamdictus redditus duplicabitur. Si quis autem in festo Sti Dionisii eundem redditum non exsolverit, eum lege qui in illo territorio constituta est, restituet. Item, quoniam ipsi quadam consuetudine que dicitur manus mortua, se nimium pregravari querebantur, in ipsa consuetudine certum ac prefuturum modum constituimus, videlicet ut cum apud Limoges vel Furcas227 aliquis decesserit, heres ejus, si mensuram integram habuerit, pro relevatione xv solidos exsolvet ; si dimidiam, vii solidos et dimidium. Preterea Odoni de Furchis et Guiberto concessimus ut incrementum terre quod domnus Manerius illis, super id quod tenebant, adjecit, sub ea consuetudine quam prius reddere tenebantur ; ita scilicet ut nichil exactionis propter hoc adiciatur. Quod ut futuris temporibus inconcussam et inviolabilem obtineat firmitatem, ex consensu capituli nostri scripto presenti et sigilli nostri impressione, cum testium subnotatione confirmavimus. Hii sunt testes ex parte nostra : Symon supprior ; Gaubertus, Jocelinus camerarius, Jozo sacrista, Philippus armarius. Testes ex parte eorum sunt hii : Gaufridus Guachet, serviens Regine ; Verbertus de Limoges, Garinus de Torciaus, Cristianus Goubertus, Guillermus Rees, Odo de Furchis, Ascelinus Pioche, Herveusb.