École des chartes » ELEC » Cartulaires d'Île-de-France » Saint-Martin-des-Champs » Tome 2 » VII. — Actes concernant Saint-Martin-des-Champs sous le règne de Louis VI le Gros, de 1126 à 1137 » 1134

Simon I, évêque de Noyon, concède à Pierre, prieur de Cappy, l'autel d'Eterpigny, à la prière du bénéficier, Gérard, chanoine de Péronne.

  • A Original Arch. nat., S 1412, nº 16. Sceau perdu.
  • a Marrier, Monasterii S. M. de C. historia, p. 345.
  • b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après b.

In nomine Patris et Filii et Spiritus sancti, Amen. Ego Symon, Dei gratia Noviomensium ac Tornacensium episcopus, dilecto filio nostro Petro, priori Sti Medardi de Capi, suisque successoribus in perpetuum. Pastoralis solertia meminisse debet assidue, quam vigilem, quamque efficacem se esse oporteat, quatenus ad ea que Dei sunt agenda, tanto se cotidie ferventius accendat, quanto et ceteris est prolatior et equissimo judici de omnibus sibi commissis rationem se reddituram non dubitat. Quocirca ministerii nostri altitudinem considerantes, et ad portandum tanti oneris jugum, servorum Xristi orationibus adjuvari desiderantes, altare de Sterpenni16 a Gerardo, Peronensi canonico, hactenus canonice sub personatu habitum, eodem Gerardo rogante, pro impetranda peccatorum nostrorum indulgencia, fili Petre in Xristo plurimum dilecte, tibi tuisque successoribus et ecclesie tue in perpetua libertate, personatu tenendum, concedimus. Singulis annis, tu et successores tui synodalia jura persolvetis, debitam de ipso altari nobis et archidiacono nostro et ministris nostris justiciam prosequentes. Igitur ne a quoquam in futuro, umquam tempore, ausu temerario hoc beneficium ecclesie Sti Medardi de Capi a nobis collatum, violari ac perturbari queat, sub anathemate prohibemus, et consilio Hugonis, archidiaconi nostri, et capituli Ste Marie Noviomensis ecclesie, hoc donum nostrum quietum permanere confirmamus, et sigilii nostri testimonio corroboramus. Actum Noviomi, , concurrente vii. S. Symonis episcopi. S. Hugonis archidiaconi. S. Balduini decani. S. Teoderici thesaurarii. S. Theoderici, abbatis Sti-Eligii. S. Petri cantoris. S. Levulfi succentoris. S. Haimerici prepositi. S. Alberici cellerarii. S. Guidonis capellani. S. Nicholai diaconi. S. Guidonis diaconi. S. Gualberti diaconi. S. Petri prioris. S. Osberti monachi. S. Hugonis decani. Ego Hugo cancellarius subscripsi.


16 Eterpigny, ca. Péronne.