Gilbert II (Girbert), évêque de Paris, approuve la restitution à l'Église des dîmes d'Attilly par Milon, seigneur du lieu, qui se fitmoine à St-Martin-des-Champs. Adhésion de Gilbert de Montjay et de Thibaud de Villiers, archidiacre de Brie.
- A Original Arch. nat., L 875, nº 28.
- B Copie de 1129, Bibl. nat. de Fr., ms. lat. 10977, Liber Testamentorum, fol. 68.
- C Copie du xiiº siècle, ibid., fol. 54' nº 116 (sans notes chronologiques).
- D Copie de 1209, Arch. nat., LL 1351, fol. 39', collationnée.
- E Copie du xve s., Arch. nat., LL 1352, fol. 59'.
- F1 Copie du xvie s., Arch. de S.-et-O. Cartulaire de Marolles, A iiio, fol. 1 (très incomplète).
- F2 Copie du xvie s., Arch. nat., LL 1353, fol. 40.
- G Copie du xviiie s. ms. fr. 15504, fol. 55.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
† In nomine sancte et individue Trinitatis.
Convenit prelatis Ecclesie, quippe qui ad hoc preeminere videntur velut exaltata Providencie spicula, creditum sibi gregem Dominicum a malorum incursibus sancta calliditate premunire, et filiis pacis pacem inviolabilem, multum quidem in presenti, sed magis in posterum providere. Ego igitur Girbertus, Parisiorum episcopus, ecclesiastica volens, ut justum est, a laicali possessione, si tamen possessio dici potest, emancipare, et Deo reddere que Dei sunt, decimam de Atilleio373, quam scilicet Milo, ejusdem dominus ville, assensu conjugis, filiorum quoque et filiarum et heredum suorum, monasterio Sti Martini de Campis, factus ibidem monachus, reliquerat, Ego, inquam, libenter eidem monasterio perpetuo possidendam concessi, ut quod secularis persona eatenus, reclamante justicia, tenuerat, volente eadem justicia, ecclesia Dei tanquam jus proprium recognoscat. Hoc autem feodum ab episcopali jure dirivatum, Teobaldus archidiaconus, a Teobaldo Gislebertus de Montegaio, a Gisleberto predictus Milo tenuerat ; qui et ipsi hanc, utpote justam, gratanter laudaverunt concessionem. Sed quoniam res geste, oblivionis incursu, humane cito subtrahuntur memorie, non incongruum fuit istud, ad testimonium veritatis, litterarum apicibus commendare, et cartam ista continentem, assensu Teobaldi archidiaconi, pontificalis auctoritatis sigillo roborare, toto etiam capitulo nostro assentiente et collaudante.
Signum Berneri decani. S. Stephani archidiaconi. S. Hanrici archidiaconi. S. Teobaldi archidiaconi. S. Adam cantoris. S. Roberti succentoris. S. Teoderici presbiteri. S. Huberti presbiteri. S. Guillelmi diaconi. S. Rainaldi diaconi. S. Algrini canonici. S. Simonis. S. Hanrici Lotoringensis75.
Actum publice Parisius in capitulo Ste Marie Ludovico . , concurrente vi.
Ego Teobaldus cancellarius legi et subscripsi388.
