Frère Hugues, chambrier de Saint-Martin, ayant condamné Michel de Montmartre à s'acquitter de ce qu'il devait à Simon le Bourrelier, vu le refus de Michel d'obtempérer à ce jugement confirmé par l'Assise sur appel, ordonne, en vertu de son office, qu'une maison de Michel située dans la rue St-Martin, soit mise aux enchères jusqu'à concurrence de la somme due : on adjuge 20 sols parisis de cens, sur cette maison, à Huguenin de Beauvoir le Bourguignon clerc, moyennant dix livres parisis qui suffisent à régler l'affaire.
- A Original scellé, Arch. nat., S 1369, nº 3.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
A tous — — frère Hugue humbles chambriers de St Martin des Champs — — Comme contens et ples eust esté par devant nous entre Symon le Bourrelier d. p. et Michiel de Montmartre d. p. sur ce que lidiz Symons disoit en jugement contre ledit Michiel que il avoit baillié sept lb. et demie de parisis lesquex il devoit à Croisant le lombart et a ses compaignons et en estoit ledit Michiel plege et rendeur — et por ce lediz Symons requeroit led. Michiel que il le delivrast et aquitast desd. sept lb. et demie envers lesd. lombars et que nous le contrainsisons à ce ; ledit Michiel respondit à ce et nia que led. Simon li eust baillié lesd. sept lb. et demie et par son serement ; et led. Symon l'offri a prouver et le prouva par devant nous — — et nous, la preuve oïe dud. Symon, condempnames led. Michiel , qui passé est nouvelement, que il delivrast led. Simon — — Et ce fet, lidiz Michieus — — requist — — l'amendement de la prochaine assise de St Martin sur ce que nous l'avienmes condempné — — Et fu regardé par le conseil de l'assise que nous aviemes bonne sentence doné sur le d. contens — — Et led. Michiel respondi qu'il n'avoit nus muebles presentement de quoi il poist paier la dete desusdite, et nous requist quarantaine por vendre de ses heritages, et nous li donames ; et la quarantaine passé, lidiz Michieus ne vendi riens, ne ne vout la dete paier, ancois se desnioit, et ledit Simon nous requist que li feisons droit. Et lors nous, de nostre office, por ce que ledit Michiel avoit une meson de son eritage en la rue St Martin, tenant d. p. à la meson Ysabel la Boisteuse et d. p. à la meson a la Boucharde, — — feimes crier par les eglises que qui le voudroit acheter, que il veinst, — — et — — nous vendimes — — pour la deffaute dud. Michiel vint sous de parisis de cens sur lad. meson — — à Huguenin de Biauveoir le Bourgoignon clerc, — — por dis lib. parisis — —
L'an de grace mil CC sexante dis et nuef ou mois de mai.
