Gasce et Guillaume [Tranchebise] donnent aux moines, avec l'approbation de leurs seigneurs Gasce et Payen [de Thourotte], leur moulin de Dugny sous réserve d'une rente en blé à percevoir à la Mi-Carême, sauf le cas de pillage du moulin en temps de guerre féodale. Guillaume ajoute six sols de cens à Pont-Yblon.
- A Original perdu.
- B Copie de 1118, Bibl. nat. de Fr., ms. lat. 10977, Liber Testamentorum, fol. 9, nº 18,
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Notum sit omnibus Xristi fidelibus quod Waszo et Willelmus frater ejus dederunt æcclesiæ Sti Martini de Campis, molendium de Dugniaco108 ad modiationem, ita ut in anno recipiant bone grosseque annone unum modium, cetera vero omnia æcclesia possideat. Ita tamen ut in festivitate Beati Remigii dimidium modium bone grosseque annone habeant, media vero quadragesima alium dimidium modium utriusque annone suscipiant. Aliud adhuc fuit additamentum, quod debet esse notum, hoc videlicet quod si cum dominis suis aut cum quibuslibet aliis viris guerram habuerunt, qui partem suam a molendino rapere velint, si, ut determinatum est, in molendino parata fuerit, et præsvalens hostis eam rapuerit, aliquis eorum a monachis nullam redditionem exigebit.
Hoc donum sic determinatum hi duo fratres Waszo et Willelmus109 super altare Sti Martini posuerunt, concedentibus dominis suis68 Waszone et Pagano de quorum tenebant feodo. Hoc etiam concessit predictus Waszo et Paganus, ut quicquid Waszo et Willelmus frater ejus vellent dare Sto Martino de feodo suo, stabile et firmum habetur.
()
Postea vero Willelmus frater Waszonis dedit Sto-Martino sex solidos census ad Pontem Hebaldi105 pro anima sua.
Horum donorum testes fuerunt hi : Walterius major36, Hugo serviens suus ; Herleboldus, Hugo de Aneto13, Walterius de Nuisiaco, Hugo porcherius, Rotgerus sartor, Hugo brito, Leudo sartor, Herbertus, Maugerius, Gaufredus cocus, Teodericus pistor, Stephanus mariscaldus, Mainardus Firmatus, Fulcuinus et Odo frater ejus, Haimo faber, Warnerius mercator, Gerbertus, Willelmus cementarius et Rotbertus filius ejus, Drogo et Herluinus servi Sti Martini, Yvo cocus, Walterius de Vitri35, Landricus, Teudo major109, Rotbertus filius Letardi, Balduinus de Sto-Clodoaldo.
